Fa'asologa o le Rugby World Cup 2027.

Ua fa’ailoa mai le fa’asologa o ta’aloga mo le tauvaga o le Ipu o le Lalolagi i le Lakapi Iuni, le Rugby World Cup (RWC), lea o loo fa’amoemoe e faia mai i Ausetalia i le tausaga fou 2027.

DUBLIN, IRELAND: November 15: Joseph Suaali'i #13 of Australia during the Ireland V Australia, autumn series, rugby union match at Aviva Stadium on November 15, 2025, in Dublin, Ireland. Credit: Tim Clayton/Getty Images

O le RWC muamua na talimalo fa’atasi ai Niu Sila ma Ausetalia, ma na siamupini ai le All Blacks i le 1987.

O le taimi muamua lenei ua toe talimalo ai Ausetalia i le RWC talu mai le 2003, lea na siamupini ai Egelani.

O le ta’aloga muamua, o le a fetaui ai le Wallabies ma le ‘au a Hong Kong – o le taimi muamua lenei ua sao mai ai se ‘au a Hong Kong i le RWC – i le Aso 1 o Oketopa i le malae i Perth Stadium.

O le ta’aloga muamua a le Manu Samoa i le Pool E, e fetaui ai ma Iapani i le malae o Newcastle Stadium i le Aso 3 o Oketopa.

Masalo o se tasi o ta’aloga mata’ina o le Pool A, o le a fetaui ai le Wallabies ma le All Blacks i Sini i le Aso 9 o Oketopa, ae fetaui ai le Manu Samoa ma Amerika i Perth Stadium.

O le Aso 17 o Oketopa, e fetaui ai le Manu Samoa ma Farani i le Sydney Football Stadium i le isi ta’aloga a le Pool E.

O le grand final o le Rugby World Cup, o loo fa’amoemoe e faia i le Stadium Australia i Sini i le Aso To’ona’i, Aso 13 o Novema.

Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.