Faitioina sauaga a Isara'elu i le Gaza.

Ua atili leo tele le 'alaga i le faigamalo i Isara'elu e taofia ana osofa'iga o tagata sivili i le Gaza ina ua lipotia le to'atele o tagata ua maliliu ae o lolofi i nofoaga e tufa ai fesoasoani o mea'ai.

A Palestinian mother (C) hugs the bag of her son while mourning after he was shot dead at a food distribution point, at Al-Shifa Hospital in Gaza City, 20 July 2025. According to the Palestinian Ministry of Health in Gaza, at least 67 people were killed while trying to receive humanitarian aid in the Zikim area. EPA/MOHAMMED SABER Source: EPA / MOHAMMED SABER/EPA

O faitioga o loo ta'ua e nisi o faiga ua solia ai tulafono o taua le fa'amatelaina ma le fa'amoemoe o tagata sivili i le Gaza, ae maise a'afiaga i fanau ma tamaiti laiti ua feoti ai le to'atele.

Ua saini 'a'ao le malo tele i Ausetalia nei i isi atunu'u o le lalolagi e aofia ai Peretania ma Kanata i le vala'au i le malo Isara'elu e taofia ana osofa'iga o tagata sivili i le Gaza ae fa'asao atu iai fesoasoani o mea'ai ma le suavai.

E ui i lea, o loo faitioina e le sui fa'aolioli o le itu-agai i le tofi minisita o le vaifafo, Michaela Cash le faigamalo a le Labor i le saini 'a'ao i se talosaga e fa'asaga i le malo Isara'elu.

I se fa'amatalaga mai le matagaluega o le soifua maloloina i le Gaza, o loo ta'ua ai le to'atele o tagata sivili na fasiotia e fitafita Isara'elu i nofoaga o loo tufa ai fesoasoani na fa'atulagaina e Isara'elu ma Amerika.

O loo faigata ona sao i totonu o le Gaza le tele o fesoasoani a malo 'aufa'atasi ona o Sa o loo fa'atulagaina e le militari a Isara'elu.