Leai se palota e faia a Faleata #2.

Ua maua le sui faipule muamua o le palemene o Samoa i le paea'iga o soso'o nei e aunoa ma le faia o se palota.

Ofisa o le Komisi o Faigapalota i Samoa. (Image - Miriama Pomare).

O le a leai se palota e faia mo le itumalo palota o Faleata Numera 2 i faigapalota i le Aso 29 o le masina nei, ina ua fa'aleaogaina e le fa'amasinoga sui na fa'aulu e tauva o vaega 'upufai a le FAST ma le HRPP.

Ua tula'i mai ai nei na o le sui o le Samoa ua Potopoto, le Samoa Uniting Party (SUP), Leatinu'u So'oialo Wayne Fong le sui tauva mo le nofoa o Faleata Numera 2.

E iai ma nisi tagi na fa'aulu e sui tauva o loo finau e le'i fa'amalieina e nisi o sui o loo fa'amoemoe e tauva i palota aiaiga o le monotaga i nu'u ma alaalafaga.