I se ripoti a le Samoa Observer o le vaiaso nei, na ta'ua ai e le ta’ita’i o le Human Rights Protection Party (HRPP), Tuila’epa Sailele Malielegaoi, o ia ua leva ona fia pasi le fu'a o le ta’ita’iga o le vaega 'upufai a le HRPP i seisi tagata, ae ona o le tauanau atu a sui o le vaega 'upufai, le mafua’’aga o lona seei pea i le tofi ta’ita’i.
O le mata’upu lenei i le ta’ita’iga o le HRPP na lalaga i luga i le vaiaso nei ina ua fa’ailoa e nisi o sui na lotolotoi i le fa’afaletui a le HRPP le lē toe fia ‘auai i lea vaega 'upufai ma ua aga'i i le itū a le malo le Fa’atuatua i le Atua Samoa ua Tasi (FAST).
Na muamua teva le sui faipule o Vaimauga Numera 3, Taioali'iseu Saunia Fiti, ma ia fa’aalia lona fa’amoemoe e ‘auai i le FAST, soso'o ai ma le fa’amavaega a le sui faipule o Safata Numera 2, Tuia Paepae Leota, lea na ia fa’aalia o le fa’atonuga a lona itūmalo palota, e alu ese ma le HRPP ae aga'i i le FAST.
READ MORE
Manumālō le FAST i palota laiti.
Na ta'ua foi e Tuia i le Samoa Observer, ua tatau ona sui se ta’ita’i o le HRPP.
Na fa’aalia e Tuila’epa i le Samoa Observer, o le aiā a sui faipule le tu’ua o le vaega 'upufai pe a manana'o ai, ae lē fa'avaivaia ai le tiute o le HRPP o le agaia o le malo.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
