Na saisaia e leoleo i le malae va’alele i Sini ananafi (Aso Lua 7 Aperila) le fitafita, Ben Roberts-Smith, ina ua taunu’u mai sana malaga mai Brisbane.
O Ben Roberts-Smith ua 47 tausaga lona matua, o se fitafita na tau’a’aoina iai le fa’ailoga taualoa le Victoria Cross, ma e 5 moliaga o loo molia ai, o moliaga o soligātulafono o taua poo war crimes.
O le fa’ai’uga lea o su’esu’ega na faia e le Australian Federal Police ma le ofisa le Office of the Special Prosecutor (OSI).
O le OSI o se itūtino na fa’avaeina e le malo tele i le 2021 e su’esue’ina soligātulafono o taua poo war crimes na faia e fitafita o le militari a Ausetalia i Afghanistan i le va o le 2005 ma le 2016.
Na saunoa le Komesina o leoleo, le AFP, Krissy Barrett.
"It will be alleged the man was a member of the ADF when he was involved in the death of Afghan nationals between 2009 and 2012 in circumstances that constitute war crimes under the Commonwealth Criminal Code. The offence of war crime murder carries a maximum penalty of life imprisonment. It will be alleged the victims were not taking part in hostilities at the time of their alleged murder in Afghanistan. It will be alleged the victims were detained, unarmed and were under the control of ADF members when they were killed. It will be alleged the victims were shot by the accused or shot by subordinate members of the ADF in the presence of and acting on the orders of the accused."
Na saunoa fo’i le faatonu o le Office of the Special Investigator, Ross Barnett, o le tulaga faigatā i la latou galuega, ona o soligātulafono nei na faia i seisi atunu’u - i Afghanistan, o se atunu’u e lē o toe mafai ona ulufale iai.
"Unlike a conventional investigation that's conducted in Australia, the OSI has been tasked with investigating literally dozens of murders, alleged to have been committed in the middle of a war zone in a country 9,000 kilometres from Australia that we can no longer access."
Na ia ta'ua e 53 suesuega na faia e le OSI talu mai le 2021 - e 39 ua mae'a e leai ni moliaga na afua mai ai, ae 10 o loo fa’aauau pea.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
