Teena e le palemia tuua'iga o le mamafa o tulafono i puipuiga mai osofa'iga terorisi.

Ua 'autasi ta'ita'i o Setete, Teritori ma le palemia Malcolm Turnbull i le pasia o tulafono e malu puipuia ai le atunuu mai osofa'iga terorisi.

Australian Prime Minister Malcolm Turnbull speaks to members of a Tactical Response Team. Source: AAP

I lalo o tulafono fou na pasia e taitai o Setete ma Teritori ma le palemia Malcolm Turnbull, ua mafai ai nei ona saisaia tagata e aofia ai tamaiti e na o le 10 tausaga le matutua mo le 14 aso e aunoa ma ni moliaga pe a masalomia i le taupuleina ma le faia o ni osofaiga terorisi. O loo tetee iai le fono a loia, le Law Council of Australia ona o popolega i le solia ai o aia tatau ma sa'olotoga o tagata i lalo o tulafono fou nei.