Tau'a'aoina le ripoti a le Komisi Su'esu'e i solitulafono na faia i le fanau.

I le mae'a ai o le lima tausaga, i le tau e $500 miliona ma le 444 aso na fofoga ai molimau, ua tau'a'aoina aloa'ia le ripoti a le Komisi Su'esu'e, le the Royal Commission Into Institutional Responses to Child Sexual Abuse.

Commissioner Justice Peter McClellan (left) and the Governor-General of Australia Peter Cosgrove, Canberra, Friday, December 15, 2017. Source: AAP/ROYAL COMMISSION INTO INSTITUTIONAL RESPONSES TO CHILD SEXUAL ABUSE

I lana ripoti, e 189 fautuaga ua aumaia e le Komisi Su'esu'e, le Royal Commission Into Institutional Responses to Child Sexual Abuse e aofia ai le faavaeina o se Ofisa mo le Puipuiga o le Fanau, se National Office for Child Safety, ma ia avea ma solitulafono le le lipotia e se tagata o se mataupu o loo masalomia poo iloa ai le sauaina o se tamaititi e auala i le faia iai o feusua'iga faamalosi ma isi faiga solitulafono.