Savali tete'e i tagata aumau.

O se savali e fa'ailoa ai le tete'e o nisi i le maualuga o le aofa'i o tagata o loo fa'atagaina e malaga mai e aumau i Ausetalia, na filogia ai ma le mau a kegi neo-Nazi ma o latou manatu fa'ailoga lanu.

Protesters during anti-immigration rally, in Melbourne, Sunday, August 31, 2025. March for Australia movement held an anti-immigration rally across Australia and are expected to go up against planned Pro-Palestinian protests at the same time. (AAP Image/Michael Currie) NO ARCHIVING Source: AAP / MICHAEL CURRIE/AAPIMAGE

O le Aso Sa na te'a nei, na faia ai ni savali tete'e i taulaga tetele uma i Ausetalia e fa'aigoaina o le 'March for Australia' na tulei ai le mau ua tatau ona fa'aitiitia le aofa'i o tagata e fa'atagaina e malaga mai e aumau i Ausetalia.

I se fa'atalanoaga a le SBS ma nisi na auai i lenei savali, o le finauga 'autu o le fa'aitiitia o le aofa'i o tagata aumau (migrants) e taliaina.

Peita'i na fa'aaoga e nisi o tagata e pei o kegi neo-Nazi le savali lenei e tulei ai o latou manatu fa'ailoga lanu i tagata e le o ni papalagi.

E pei ona saunoa le palemia setete o South Australia, Peter Malinauskas, o tagata na auai i savali nei e matua le malamalama i le talafa'asolopito.

I South Australia, na o le 2.5% o tagata o Aboriginal, o tagata moni o le atunu'u. O lona uiga, o le 'ova i le 97% o tagata, o tagata na malaga mai ma aumau, o matua o matua na fananau i se atunu'u i fafo.