O Seine Stowers le Siamupini a Samoa i le aupaga 77kg lea na ausia le Pine auro mataina i Glasgow Sikotilani i taaloga a Malo o taupulega.Na ia tatae'a foi le rekoti o le si'i malele(snatch) faapea le si'i malolo(clean and jerk) e ui na fai mai faamasino sa le taulia.O Seine Stowers e na o le sefuluvalu ona tausaga ma o lenei matatia ua fofola mai ai lona lumanai manuia mo tausaga e tele e ono ausia ai nisi matatia.O le alii ia John Tafi leisi pine a Samoa mai le 71kg a alii na manumalo ai i le Pine Siliva.O le maoae pea o le tausinio a Samoa i taaloga siisii uamea mamafa i le lalolagi ua filifilia ai foi le Peresetene ia Tuaopepe Jerry Wallwork e avea ma Peresetene o le Commonwealth Weightlifting Federation i se matati'a maoae.
I otootoga o tala o lenei vaiaso mai Samoa ua molia e leoleo nisi o tagata i fualaau faasaina e aofia ai ma ni tagata nuu Filipaina i Samoa.Ua molia se tama e 66 tausaga i le faalavelave na fana ma maliu ai se tasi i Vaitele Uta.Ua aapa atu nei le Iuni lakapi Fou na tatala aloaia i le vaiaso talu ai e faatamoe polokalame lakapi i aoga uma.Ma ua siitia le pasese o taxi ma pasi i le 30% talu mai le 2014.
Share
