Tapunia le mālō Amerika

Ua tapunia le mālō Amerika ina ua le maua se maliega na fa'atau tutu ai le faigamalo a le peresitene Donald Trump ma le Democratic Party i le tala i le tupe.

FILE - President Donald Trump speaks to reporters in the Oval Office of the White House, Friday, May 23, 2025, in Washington. (AP Photo/Evan Vucci, File) Source: AP / Evan Vucci/AP

O le mata'upu na lavelave ai feutaga'iga o le fa'atupeina lea o polokalame o le soifua maloloina na mana'omia e le Democrats.

E amata i le vaeluapo ananei ona tapunia matagaluega a le mālō Amerika i Washington DC, lea o le a savavali 'ese ai le faitau selau afe o tagata faigaluega a le mālō.

Na saunoa le peresitene o le National Federation of Federal Employees, Randy Erwin, ua to'atele tagata e iai tomai fa'apitoa e mana'omia mo le atina'e o le tamao'aiga o Amerika ua fa'amavae i lalo o le faigamalo a Donald Trump.