Tatala le maketi fou o i'a i Sini.

O le maketi o i’a i Sini, o se tasi o vaega mata’aga e fiafia tagata e asiasi iai mo fa’atauga o soo se itu’aiga i’a ma figota o le sami e maua ai.

Premier Chris Minns visits traders during the official reopening of the Sydney Fish Market, in Sydney, Monday, January 19, 2026. Source: AAP / SITTH DITTHAVONG/AAPIMAGE

E lauiloa i le felesi o i’a ma figota, ma le tele o fale’aiga e kuka ma fa’atau ai taumafa ‘ese’se.

O se fuafuaga a le malo setete o New South Wales i le toe fausia o se maketi fou o i’a, le Sydney Fish Market, na pasia i le 2018, ma le fa’amoemoe e tatalaina le maketi fou o i’a i le 2023.

I le ata muamua o le galuega e $235 miliona na fa’amoemoe e alu ai.

Peita’i, e tatala nei le maketi fou o i’a i le Aso Gafua o le vaiaso nei, ua 3 tausaga ua tuai ai, ma si’itia le tau o le maketi mai le $235 miliona i le $836 miliona.

E le’i fa’amatalaina mai e le palemia setete o NSW, Chris Minns, le mafua’aga o le paluni o le tau o le maketi fou i se $600 miliona fa’aopoopo ma le mafua’aga o le fa’atuai ona mae’a le galuega i le 3 tausaga.

"But in a funny way, the challenge associated with bringing a beautiful building to fruition adds to its character. I think that's what you've got with the fish markets. No one here, not the government, not multiplex not the fish markets will pretend this was easy but if it was easy someone would have done it before now."

Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.