Atumotu o loo feagai ma fa'afitauli ogaoga o suiga i le tau

Le falea'oga o se a'oga i Vanuatu ua tele tausaga talu ona fa'aleagaina e se afā e le'i toe fa'aleleia. O se va'aiga ta'atele i atumotu o le Pasefika o loo feagai ma fa'afitauli ogaoga o fesuia'iga o le tau.

---

I le 2020, na asia ai atunu'u o le atu Solomona, Fiti, Tonga ma Vanuatu e le afā o Cyclone Harold.

I le motu o Espiritu Santo, namatuā fa’aleagaina ai le falea’oga o le a’oga a Tasmalum.

Na fa'aalia e le pule fa'atonu o le PASIFIKAID, Peter Jamieson, o se fa'alapotopotoga o loo galulue e toe fausia le a'oga, o loo malepe pea le a'oga i le 4 tausaga talu ona tō le afā.

"E ta'a'alo lava tamaiti i le taimi o le malologa, fe'a'ei i 'apa ua 'elea ma laupapa e ta'atitia i le palapala ma le tumutumu o le fale," na ia ta'ua.

"E leai se mea ua faia iai e toe fa'aleleia ai le falea'oga. E le fa'apea o le le manana'o o le malo e faia le galuega e toe fausia ai. O le leai o se tupe a le malo ona o le tele o fa'alavelave fa'anatura e tutupu mai."

Cyclone Harold in 2020 destroyed the Tasmalum School in Vanuatu. Credit: Supplied: Peter Jamieson

Na saunoa le Fa'auluuluga o le atunu'u o Papua New Guinea i le Fono Fa’avāomalo a le Koluse Mūmū ma le Sosaiete le Red Crescent Societies, Maki Igarashi, o le maotua ma mamao o nisi o nu'u ma alaalafaga, e faigata ai ona faia galuega lavea'i.

"I nisi o taimi matou te fa’aaogāina se va'a 'apa la'ititi pe o se va'a fagota, e faitau itula o malaga," na ia ta'ua.

"O le isi aso, na ou talanoa ai i Rarotonga le at Kuki. Masalo e o'o i le vaiaso o malaga i se motu. E te silafia ai le tulaga o le lu'itau e feagai ma tagata i le mamao o motu o le Pasefika."

Na saunoa le pule fa'atonu o 'Au'aunaga Va'aitau, le International Development Bureau of Meteorology, Andrew Jones, o nei fa'afitauli ua atili faigata ona o suiga o le tau.

“O le sautualasi o a'afiaga mai ler si'isi'i o le tai ma uiga loulouā o le tau, o se tulaga o loo sili ona lamatia ai le Pasefika i le taimi nei ma le lumana'i," na ia ta'ua.

"O a'afiaga nei e le'i molimauina muamua i le Pasefika, ma e le o taitai ona lava le tali mai iai a isi atunu'u i le lalolagi."

Mulimuli pe Talosaga i le SBS Examines ae o tatou asia le Our Pacific.