Na saunoa le fa'afeagaiga o le Ekalesia Fa'apotopotoga Kerisiano Samoa i Balmain, Rev Alo Filipaina, e le talafeagai le fa'atonuina e le pulega a ali'i ma faipule o se itumalo o le vaega 'upufai e palota iai se tagata i faigapalota mo le palemene o Samoa.
Na saunoa fo'i Rev Alo Filipaina, o loo ia fesiligia le tulaga o loo leai ai se manatu fa'aalia o le Fono a Ekalesia Tu'ufa'atasi i Samoa i le vevesi e pei ona sa tula'i mai i 'upufai o le atunu'u.
Na ia saunoa i le fa'atalanoaga ma le SBS Samoan, e iai le Justice Committee a Ekalesia So'ofa'atasi i Ausetalia e fa'aalia ni manatu ma fautuaga i mata'upu e oia ai le filemu ma le nonofo fealofani i le atunu'u.
O lona popolega o le le sa'oloto o le fa'atinoga o le filifiliga sa'oloto a tagata Samoa ona o le malosi o pulega a ali'i ma faipule o nu'u ma alaalafaga.
Share
