O loo iai popolega i le saogalemū o tama'ita'i i le 'au soka a Iran, le Lionesses, lea o loo i Ausetalia nei na ‘auai mai i le tauvaga mo le Ipu o le Soka a Asia le Asia Cup.
Ina ua mumusu le 'au tama'ita'i a Iran e usuina le vi'i o le fu'a a lea atunu'u i lana ta'aloga muamua o le Asia Cup, na fa'aalia ai e le faigāmālō i Iran le fa'asalaina o i latou pe a toe taunu'u atu.
E to'a 5 sui o le 'au na talosaga ma ua ofoina iai Visa puipuia e le mālō tele analeilā (Aso Lua 10 Mati) ina ua lavea'ina ma puipuia e leoleo a le AFP.
Na saunoa le palemia Anthony Albanese, o loo avanoa ma matala le faitoto'a mo isi tama'ita'i o le 'au soka a Iran e sa'ili lafitaga ai i Ausetalia nei.
"This is a very delicate situation and it is up to them. But we say to them, if you want our help, help is here."
Na saunoa le minisita o Home Affairs, Tony Burke, o loo matala fo'i le faitoto'a i isi tama'ita'i o le Lionesses e talosaga ai mo visa puipuia ae o iai i laufanua o Ausetalia nei.
"I say to the other members of the team, the same opportunity is there. Australia has taken the Iranian women's soccer team to our hearts...we realise they're in a terribly difficult situation".
Na saunoa le sui fa'aolioli o le ituagai i le tofi teutupe, Tim Wilson, e tatau ona tutusa le auala e tagofia ma iloiloina ai talosaga a tagata e sa'ili lafitaga mai mo visa puipuia.
"I want to make sure, and I want to be confident that people we're accepting from asylum go through the full processes, no matter their origin, no matter their circumstances".
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
