ඉතිහාසයේ ප්රථම වරට සමස්ත ඔස්ට්රේලියාවේම පිහිටි වර්ග මීටර් 9 ට වඩා විශාල ගොඩනැගිලි සියල්ලම සිතියම් ගත කර තිබේ.
PSMA Australia නැමති සමාගම විසින් මේ කටයුත්ත සිදු කර ඇති අතර ඔවුන් පවසන පරිදි සමස්ත ඔස්ට්රේලියවේම පිහිටි වර්ග මීටර් 9 ට වඩා විශාල ගොඩනැගිලි 15,243,669 ක් පිහිටා තිබේ.
මෙම සිතියම් ගත කිරීමේදී ගොඩනැගිලි පමණක් නොව ගස් පවා සිතියම් ගත කළ බව PSMA Australia පවසයි.
ඔස්ට්රේලියාවේ ප්රාන්ත හා ටෙරිටරි වශයෙන් වෙන වෙනම මෙම සිතියම්ගත කළ බවද සඳහන්.
ඔස්ට්රේලියාවේ විශාලතම ප්රාන්තය ලෙස බටහිර ඔස්ට්රේලියා ප්රාන්තය සැලකුණද එහි එතරම් උසැති ගොඩනැගිලි දක්නට නොලැබුණු බවත් ජනගහනය ඉහළ ප්රාන්ත වල උසැති ගොඩනැගිලි බහුලව දක්නට හැකිවූ බවත් PSMA Australia හි ප්රධාන විධායක Dan Paull, Domain වෙබ් අඩවියට පැවසීය.
නිව් සවුත් වේල්ස් ප්රාන්තය
ඔස්ට්රේලියාවේ ජනගහනය අතින් විශාලතම ප්රාන්තය නිව් සවුත් වේල්ස් ප්රාන්තය වුවද ගොඩනැගිලි ප්රමාණය අතින් එය විශාල නොවෙයි.
ඔස්ට්රේලියානු ජනගහනයෙන් 31.7% ක් වාසය කරන්නේ නිව් සවුත් වේල්ස් ප්රාන්තය වුවද එහි ගොඩනැගිලි ප්රතිශතය 27.8% කි.
වික්ටෝරියා
ඔස්ට්රේලියාවේ දෙවැනි උසම ගොඩනැගිල්ල වන Eureka tower වික්ටෝරියා ප්රාන්තයේ මෙල්බර්න් නගරයේ පිහිටා ඇත.
එමෙන්ම ප්රමාණය අතින් ගත් කළ ඔස්ට්රේලියාවේ විශාලතම ගොඩනැගිල්ල ලෙස මෙල්බර්න් ගුවන් තොටුපොළ සැලකේ.
බටහිර ඔස්ට්රේලියාව
ඔස්ට්රේලියානු භූමියෙන් 33% ක් ආවරණය කරන්නේ බටහිර ඔස්ට්රේලියානු ප්රාන්තය වුවද එහි ගොඩනැගිලි ප්රතිශතය 11.8% කි.
ක්වීන්ස්ලන්තය
ඔස්ට්රේලියාවේ උසම ගොඩනැගිල්ල වන් Q1 ගොඩනැගිල්ල පිහිටා ඇත්තේ ක්වීන්ස්ලන්ත ප්රාන්තයේය.
ක්වීන්ස්ලන්ත ප්රාන්තයේ ප්රාදේශීය ප්රදේශ වල වර්ග මීටර් 9 ට වඩා විශාල ගොඩනැගිලි 9290 ක් ඇති බව මෙම සිතියම් ගත කිරීමට හසුවී තිබේ.
ඔස්ට්රේලියාවේ අනෙකුත් ප්රාන්ත හා සසදන විට ක්වීන්ස්ලන්තයේ නාගාරික ප්රදේශ වල වැඩිම සංඛ්යාවක පිහිණුම් තටාක පිහිටා ඇති බවත් එම ප්රමාණය 406,366 බවත් සඳහන්.
Australian Capital Territory
Australian Capital Territory ට අයත් ගොඩනැගිලි වලින් 99% ක් ම පිහිටා ඇත්තේ නාගරික ප්රදේශවලය.
එමෙන්ම ඔස්ට්රේලියාවේ උසින් අඩුම ගොඩනැගිල්ල ලෙස හැඳින්වෙන Lovett tower (මීටර් 89) පිහිටා ඇත්තේද Australian Capital Territory හිය.
Northern Territory
Northern Territory ජනගහනයට සාපේක්ෂව මෙහි ඇති ගොඩනැගිලි ප්රමාණය ඉහළ වේ.
සිතියම් ගත කිරීමට හසුවුණු ගොඩනැගිලි ප්රමාණය 137,884 කි.
ටස්මේනියා
ටස්මේනියා ප්රාන්තයේ ඇති ගොඩනැගිලි බොහොමයක් ප්රාදේශීය කලාප වල පිහිටා ඇත.
දකුණු ඔස්ට්රේලියාව
දකුණු ඔස්ට්රේලියාවේ ජනගහනයට වඩා එහි ඇති ගොඩනැගිලි ප්රමාණය ඉහළ වේ.
සමස්ත ඔස්ට්රේලියවේ ජනගහනයෙන් 6.9% ක් දකුණු ඔස්ට්රේලියාව තුළ වාසය කරන අතර එහි ගොඩනැගිලි ප්රතිශතය 9% කි.
--------------------------------------------------------------------------------------------------------
SBS සිංහල සේවය සඳුදා, අඟහරුවාදා, බ්රහස්පතින්දා, සිකුරාදාපෙ.ව 11 සිට 12 දක්වා
සජීවීවසහපසුව online අහන්න - www.sbs.com.au/sinhalese
සජීවීව රූපවාහිනියෙන් අසන්න- Channel 38
සජීවීව ගුවන් විදුලියෙන්, (ප්රාන්ත සඳහා fm තරංගමාලා)
93.1fm – Victoria
97.7fm –NSW
105.5fm – Canberra
106.3fm – SA
93.3fm – QLD
96.9fm – WA
සජීවීවහෝ පසුව අහන්න Mobile APP - SBS Radio APP (free download)
SBS සිංහල Facebook පිටුව - www.facebook.com/sbssinhalese
“SBS සිංහල ගුවන් විදුලිය - සමස්ත ඔස්ට්රේලියාවටම ඇහෙන එකම සිංහල ගුවන් විදුලිය”
--------------------------------------------------------------------------------------------------------
