Key Points
- ක්වීන්ස්ලන්ත සංක්‍රමණ වැඩසටහනෙන් Skilled වීසා බලපත්‍රයක් වෙනුවෙන් ආරාධනා පත්‍රයක් ලැබෙන්නේ නම් ඔබේ ඉංග්‍රීසි භාෂා ප්‍රවීණත්වය පිළිබඳ සාක්ෂි යොමු කළ යුතු වේ.
- මෙය 2022 සැප්තැම්බර් 6 වන දින සිට ක්‍රියාත්මක වේ.
- ඉංග්‍රීසි භාෂා ප්‍රවීණත්වය Proficient English සහ Competent English යනුවෙන් ප්‍රධාන ඛාණ්ඩ දෙකක් යටතේ සලකා බැලේ.
ඔස්ට්‍රේලියාවේ ක්වීන්ස්ලන්ත ප්‍රාන්තයේ සංක්‍රමණ වැඩසටහන මගින් ඔබ වෙත කුමන හෝ Skilled වීසා බලපත්‍රයක් වෙනුවෙන් ආරාධනා පත්‍රයක් ලැබෙන්නේ නම් ඔබේ document portal එකට ඔබේ ඉංග්‍රීසි භාෂා ප්‍රවීණත්වය පිළිබඳ සාක්ෂි යොමු කළ යුතු වේ.
මේ පිළිබඳ ක්වීන්ස්ලන්ත ප්‍රාන්තයේ සංක්‍රමණ කටයුතු දෙපාර්තමේන්තුව විශේෂ නිවේදනයක් නිකුත් කර තිබේ.
මෙම කොන්දේසිය 2022 සැප්තැම්බර් 6 වන දින සිට ක්‍රියාත්මක වේ.
මෙහිදී ඉංග්‍රීසි භාෂා ප්‍රවීණත්වය Proficient English සහ Competent English යනුවෙන් ප්‍රධාන ඛාණ්ඩ දෙකක් යටතේ සලකා බැලේ.
Proficient English
ඔබට Proficient ඉංග්‍රීසි මට්ටමක් ඇති බව ඔප්පු කිරීමට, වත්මන් ඔස්ට්‍රේලියාව පිළිගත් ඉංග්‍රීසි පරීක්ෂණයක ප්‍රතිඵල පෙන්විය යුතුය.
එම ඉංග්‍රීසි පරීක්ෂණයේ ප්‍රතිඵල වසර 3 කට වඩා පැරණි නොවිය යුතුය.
ඒ අනුව පහත පිළිගත් ඉංග්‍රීසි පරීක්ෂණයක ප්‍රතිඵල Proficient ඉංග්‍රීසි මට්ටමක් ඇති බවට සාක්ෂි වේ.
| ඉංග්‍රීසි පරීක්ෂණය | ලකුණු මට්ටම |
| International English Language Testing System (IELTS Academic or General Training) | කොටස් හතරෙන් එක් එක් කොටසක් සඳහා අවම වශයෙන් ලකුණු 7 ක් |
| Test of English as a Foreign Language internet-based Test (TOEFL iBT) | අවම වශයෙන් listening සඳහා 24, reading සඳහා 24, writing සඳහා 27 සහ speaking සඳහා 23 ක් |
| Pearson Test of English Academic (PTE Academic) | කොටස් හතරෙන් එක් එක් කොටසක් සඳහා අවම වශයෙන් ලකුණු 65 ක් |
| Occupational English Test (OET) | කොටස් හතරෙන් එක් එක් කොටසක් සඳහා අවම වශයෙන් B ශ්‍රේණියක් |
| Cambridge C1 Advanced test | කොටස් හතරෙන් එක් එක් කොටසක් සඳහා අවම වශයෙන් ලකුණු 185 ක් |
Competent English
ඔබට Competent ඉංග්‍රීසි දැනුම ඇති බව ඔප්පු කිරීමට ඔබ එක්සත් රාජධානියේ, ඇමරිකා එක්සත් ජනපදයේ, කැනඩාවේ, නවසීලන්තයේ හෝ අයර්ලන්ත ජනරජයේ පුරවැසියෙකු බවත් ඔබගේ අයදුම්පත සමග එම රටවල එකකින් හෝ ඔබ වෙනුවෙන් නිකුත් කරන ලද වලංගු විදේශ ගමන් බලපත්‍රයක් ඉදිරි පත් කළ යුතුය.
එසේ නැතිනම් පහත අන්දමේ පිළිගත් ඉංග්‍රීසි පරීක්ෂණයක ප්‍රතිඵල Competent ඉංග්‍රීසි මට්ටමක් ඇති බවට සාක්ෂි වේ.
| ඉංග්‍රීසි පරීක්ෂණය | ලකුණු මට්ටම |
| International English Language Testing System (IELTS Academic or General Training) | කොටස් හතරෙන් එක් එක් කොටසක් සඳහා අවම වශයෙන් ලකුණු 6 ක් |
| Test of English as a Foreign Language internet-based Test (TOEFL iBT) | අවම වශයෙන් listening සඳහා 12, reading සඳහා 13, writing සඳහා 21 සහ speaking සඳහා 18 ක් |
| Pearson Test of English Academic (PTE Academic) | කොටස් හතරෙන් එක් එක් කොටසක් සඳහා අවම වශයෙන් ලකුණු 50 ක් |
| Occupational English Test (OET) | කොටස් හතරෙන් එක් එක් කොටසක් සඳහා අවම වශයෙන් B ශ්‍රේණියක් |
| Cambridge C1 Advanced test | කොටස් හතරෙන් එක් එක් කොටසක් සඳහා අවම වශයෙන් ලකුණු 169 ක් |
