Husi servisu iha fabrika na'an nian to'o sai modelu ba Australian Academy of Modelling

Trabalador Timor-oan, Avelino Guterres, ne'ebe servisu iha fabrika na'an iha Colac, Victoria Australia, realiza nia mehi atu sai modelu iha Australian Academy of Modelling (AAM) iha Melbourne. Mehi ne'e laos fasil tanba nia servisu durante semana loron nian no so iha tempu fin de semana deit atu halo atividade ne'e. Avelino Guterres " Hau tuir kursu modelu ne'e atu aprende kona-ba hatais ema nia ropa no mos hau nian, hau mos hakarak hasae liu tan konfidensia. Ida ne’e suporta hau barak, motiva hau barak durante prrosesu aprendijazen nian. Industria ida ne’e diak tebes ba hau no hau fiar katak sei iha oportunidade diak ba oin"

Avelino Guterres sai modelu ba eventu ida ne'ebe halao husi Australia Academy Modelling Credit: Avelino Guterres

Husi Venilale ba Modelajen

Dalan hosi sidade ki'ik ida iha Timor-Leste ba paizajen luan iha Austrália la'ós jornada ida ne’ebe fasil. Dalaruma ida-ne'e hahú ho mehi ida ne'ebé nonook — lori iha fuan laran hanesan promesa ida ba família, ba uma, no ba futuru ida ne'ebé hein hela atu hakerek, haktuir husi maluk Timor-oan ida.

Istoria ida-ne’e kona-ba trabaldor Timor-oan Avelino Guterres.

" Hau mai husi Venilale, Baucau. Hau moris ho hau nia mama ho hau nia alin ida".

Foto iha leten: Avelino ho nia inan; Foto iha kraik: Avelino ho nia alin mane. Foto hasai iha Timor. Credit: Avelino Guterres

Hanesan trabaldores sira seluk nia mos mai buka moris iha Austraia hodi azuda nia futuru no nia familia nian. Mai iha tinan 2019 fulan Agustu ho programa PALM no servisu iha fabrika na’an bibi ho na’an karau iha Warrnambool, Victoria. Durante tinan haat, hahú hosi 2019 to'o 2023, nia serbisu ho empreza ida de'it.

Kompañia apresia nia kontribuisaun no hakarak nia atu hela kleur liután. Maibe nia deside atu sai husi kompanya ne’e no buka fali esperensia foun. Ho insterteja ne'ebe mak iha, nia hatete ho lian Inges katak momentu ne’eba la fasil no nia sente tauk tebes.

Avelino Guterres “ Momentu ne’eba hau araska tebes, tanba ba dala uluk hau sai husi zona komfortu, no atu aprende buat foun. Hau tenke hamrik iha hau nia ain rasik. Maibe hau tenke lao ba oin no buka moris diak liu tan”.

Nune’e ho nia esforsu no kolega sira nia tulun mos, ikus mai nia hetan servisu iha fabrika na’an nian ida iha sidade Colac, Victoria - Sidade ne’ebe la dook husi Warnnambool, fatin ne’ebe nia servisu antes.

Avelino Guterres ho nia ropa servisu nian hamrik iha fabrika ne'ebe nia servisu ba nia oin. Credit: Avelino Guterres

Depois de servisu iha kompanya iha tempu balun nia laran, sira rekonhese nia servisu no oferese nia ho vistu ba talent nian. Vistu nee fo dalan ba nia atu hela no servisu iha Austealia durante tempu ne’ebe determina ona. Maibe ho Gracas ho Maromak nian hanesan Avelino haktuir, oportunidade sira seluk mos mosu.

Ho Graca Maromak nia, no ho familia sira nia orasaun, hau hetan skill visa (vistu talentu). Hau hetan vistu ne'e husi kompanya ne'ebe hau servisu ba, maibe depois de fulan lima no ne'en nia laran - hau hetan tan fali Pacific Engagement Visa iha fulan Agustu 2024. Ho nune'e hau hakotu vistu talentu nian tanba sira rua nia dalan hanesan deit

Avelino Guterres, Traballadór Timor-oan no modelu iha AAM

Governu Australia introdus vistu foun ba ema Timor-oan no pasifiku sira atu aplika ba sai sidadun permanente iha tinan 2024. Vistu ida ne’e mak bolu, vistu Pacific Engagement Visa, ne’ebe Avelino ho nia kolega Timor-oan balun hetan.

Bainhira nia ko'alia kona-ba uma, nia sempre tau família iha nia istória nia sentru. Nia hatete katak ninia jornada ohin loron ne’e motiva husi nia familia nia moris. Ba nia, serbisu laos deit atu hetan osan, maibe mos kona-ba posibilidade, edukasaun no ajuda nia inan moris diak liu no alin atu eskola diak liu hodi bele hetan oportunidade sira ne'ebé nia rasik tenke serbisu maka'as atu hetan.

Avelino Guterres "Ida ne’e motiva husi familia".

Sai Modelu

Sai modelu la'ós buat ida ne'ebé nia planeia bainhira nia mai iha Austrália. Ida-ne'e buat ida ne'ebé nia deskobre iha dalan no nia hatete katak; ida ne’e buat ida ne’ebe hanesan realidade ida husi nia mehi

Ida ne’e suporta hau barak, motiva hau barak durante prrosesu aprendijazen nian. Industria ida ne’e diak tebes ba hau no hau fiar katak sei iha oportunidade diak ba oin”

Avelino Guterres, Traballadór Timor-oan no Modelu ba AAM

Ba nia, modelajen la'ós de'it kona-ba aparénsia. Ida-ne'e kona-ba auto-deskoberta. Ida-ne'e kona-ba aprende oinsá atu hamriik, oinsá atu espresa, no oinsá atu lori konfiansa ne'ebé harii neineik liuhosi esperiénsia. Nune’e maske antes ne’e nia sente presaun, nia aprende katak modelajen hanesan buat ida ne'ebé nia progresu muda dadaun. Indústria ne'e sai nakloke liután no diversu ho kolaborativu liu.

“Bainhira hau seidauk involve iha neba, hau sente iha presaun. Maibe depois de hetan treinamentu barak, liu-liu kona-ba industria ne’e sei muda iha tinan lima, tinan sanulu ka limanulu mai. Nee vantajen nee boot tebes hau".

La'ós ema hotu-hotu komprende opsaun ida-ne'e.Ema balun fó feedback negativu. Maibé Avelino hili oinsá nia hakarak hatán ba lian sira-ne'e.

"Lia fuan negativiu ne’ebe hau hetan husi ema.. ida ne’e inspira hau katak loron ida hau sei sai ema diak, no hatudu ba ita boot sira katak industria nee lao negative maibe industria positivu ne'ebe kapas tebes".

Nia fiar katak modelajen iha futuru, nia sei serbisu ho ajénsia sira, estilista sira, no ekipa kriativu sira. Maibe hanesan Timor-oan nia hatete katak, nia komprende katak karik ida ne’e ladun aprorpiu se karik ema haree deit ba hatais ka ropa husi industria ne’e.

Avelino Guterres, sai hanesan modelu ida ba eventu Australia Academy Modelling nian iha Melbourne Credit: Avelino Guterres, Traballadór Timor-oan no modelu

Avelino hato'o “ Industria ne’e ladiak tanba nia ropa nakloke tebes.. maibe hau haree ba positive nian involve mos feto ho mane, ne’ebe sei fo ita skill, lisaun no talentu ba ita no sira mos enkoraja ita atu hetan oportunidade diak ba ita no mos rendementu ne’ebe diak ba ita:”

Durante loron servisu nian, Avelino kontinua nia serbisu iha fábrika, tipu serbisu ne'ebé fornese estrutura no seguransa, bainhira findesemana to'o, parte seluk hosi nia moris hahú.

Espaisu kriativu

Bainhira husu kona-ba futuru, Avelino para uitoan. Futuru, ba nia, sei sai mistériu ida. Nia imajina sei servisu besik ho estelista sira no sei hela besik iha sidade boot. Nia imajina posibilidade sira, karik muda ba sidade seluk. karik serbisu besik liután ho estilista sira. Karik partisipa iha projetu sira ne'ebé kriativu liu iha tinan sira tuirmai. Nia la anzi, maibe, nia husik ida-ne'e atu akontese naturalmente.

Avelino Guterres, Traballadór Timor-oan no modelu AAM ho nia ropa modelajen nian Credit: Avelino Guterres

Avelino haktuir iha lian Ingles ne'ebe signfika katak "Agora daudaun ida-ne'e misteriozu uitoan ba hau, hau lakohi tau fiar metin ba industria ne'e, maibé ha'u fiar katak viajen ida-ne'e sei lori sorte ba ha'u. Hau iha projetu boot iha tempu badak no hau fiar katak hau sei hakat besik ba sidade".

 

Hanesan istória ida ne'ebé buras nonook iha tempu, Avelino mós hakarak atu fahe buat ne’ebé nia aprende. Koalia ho haraik-an, nia dehan katak

Se ema iha Timor ka Australia hakarak aprende husi nia, nia prontu atu fahe ho sira ho esperensia ne'ebe nia iha.

"Ba hau pesoalmente, hau ladun iha esperensia barak kona-ba modelajen, maibe ho konhesementu ne'ebe hau iha, ha’u kontente atu fahe ha’u nia esperiénsia sira, se iha oportunidade sira atu kolabora. Ida ne'e laos deit iha Timor maibe mos iha rai liur"