Oinsa ida ne'e hahu
Eufrasia nia viajen la hahú iha palku ida ne'e. Nia haktuir katak nia kreatividade hahú husi família, no aprendizajen konstante. Moris no boot husi familia nia let, hamosu responsabilidade ba nia husi kiik kedan. Nia aprende atu halo buat hotu ne'ebe nia hanoin nia bele. Husi kiik kedan nia involve nia an iha atividades oi-oin, husi modelling to'o sai artista (halo musika no filmi).
Eufrasia " Antes ne'e hau inklina hau nia-an iha arte, loke restaurante, cozzette, maibe Maromak nia planu oin seluk. Entaun, hau nia atividade ne'ebe hau kontinua mak hakerek, e agora sai emprezariu, halo perfume no fashion no future sei foka ba iha filmi".
Iha 2017, nia moris muda ho familia no parseiro.. maibé maske nune'e nia kontinua nia ambisaun.
Bainhira ha'u kaben ho ha'u nia la'en iha 2017, ha'u foka ba ha'u nia família. Maibe, ha'u nia la'en lakohi hau atu para ativu ho saida mak hau halo. Ba Eufrasia, nia sai hanesan role model ba nia oan sira.
" Hau foka ba hau ni-an, tanba hau maka role-modelu ba ha'u nia oan sira no ba ha'u nia família no sira ne'ebé serbisu ho ha'u iha uma ka serbisu fatin."
Responsabilidade ida ne'e aumenta bainhira nia hakat ba plataforma internasionál hanesan Miss Planeta Internasional.
Eufrasia emphaze "wainhira ita sei moris ita tenke aprende. Ema ne'ebe matenek tanba loro-loron nia hakarak aprende".
Oportunidade ba tuir Miss Planeta Internasional
Konvite atu partisipa iha Miss Planeta Internasional mosu ba nia bainhira nia ferias hela ho familia iuha Inglatera. Nia haktuir,
Bainhira hau iha oportunidade atu lori hau nia nasaun ba mundu, hau prontu atu halaoEufrasia Vieira, Miss Planeta Internasional 2026 reprezenta Timor-Leste
Maske ho tempu badak ba nia laos buat foun ida. Buat ne'ebe mak nia prepara mak iha konhesmentu kona-ba eventu ne'e rasik.
Saida mak Miss Planeta International
Miss Planeta International la'ós de'it konkursu beleza nian.
Ida-ne'e hanesan plataforma ida ne'ebé liga beleza ho konxiénsia ambientál no objetivu tuir Dezenvolvimentu Sustentável Nasoins Unidas nian, liu-liu ba SDG 17.
Eufrasia " Miss Planet ne'e la hanesan ho beauty pagenat sira seluk. Ida ne'e haree liu ba oin no status maibe haree ba ita nia esperensia no oinsa ita bele kontribui ba mundu no planeta ne'e".
Ida-ne'e foka ba oinsá feto sira ne'ebe reprezenta sira nia nasaun bele uza sira nia lian no sai hanesan embaizador ba sustentabilidade, edukasaun, no responsabilidade globál.
Ba Eufrasia, ida-ne'e laos deit kompetisaun ida, maibe ida-ne'e sai hanesan objetivu ida. No ba nia definisaun kona-ba beleza laos deit hatudu husi aparensia.
"Buat ne'ebe mak hau aprende mak tuir beauty pageant ne'e laos kona-ba kompetisaun, ka haree ba se mak diak liu ka sema at Beleza lolos mai husi an rasik. Buat ne'ebe mak ami hotu aseita mak "queen support queen" fo liman ba malu hodi azuda malu".
No liga ba responsabilidade husi plataforma ne'e rasik, liu-liu haree ba asuntu sustentabilidade ambiente, nia hatete katak ho graca maromak nian, nia laos deit reprezenta Timor-Leste hanesan Embaixador ba plataforma ida ne'e, maibe mos ba Global. Nia emphaze nia responsabilidade hanesan tuir mai:
Hau iha responsabilidade ho hau nia oin, ho objetivu ne'ebe kria ona husi UNSDG 17. Premeiro, hau hakarak Miss Planeta ne'e labele hahu no hotu husi hau, maibe ba mos feto maluk sira seluk. Evente ne'e laos deit beauty pageant ida, maibe importante mak bonita iha oin, laran no hanoin. Segundu, hau nia servisu sei liga no foka liu iha life below water no plastic waste, baseia ba UNSDG 14. Razaun hau hili ida ne'e tanba problema ne'ebe mak ita nia nasaun hasoru no mos nasaun sira seluk hanesan South East Asia hasoru mos".Eufarsia Vieira, Miss Planeta Internasional 2026 reprezenta Timor-Leste
Nia planu atu halao atividade vizita eskola iha tempu badak hodi fahe informasaun ba estudante sira kona-ba asuntu soe foer no plastiku. Nia mos loke liman atu servisu ho organizasaun ne'ebe deit iha Timor no internasional atu halo buat ruma hodi tau matan ba asuntu ekonomia azul no proteje tasi.
Aprende, kria amizade no kria rede importante tebes liu husi eventu sira hanesan ne'e. Plataforma ida ne'e fo responsabilidade ba kontestan sira hanesan Eufrasia ho sira seluk atu proteje planeta liu husi atividades ne'ebe mak sira aprende no durante tuir eventu ne'e no depois de eventu ne'e.
Suporta no mensajen
Husi partisipasaun iha palku global ne'e, Eufrasia hetan suporta no agradesementu husi Timor-oan barak tanba ida ne'e oportunidade ba Timor-oan atu hatudu sira nia talentu. Maibe, iha tempu hanesan, nia mos hetan kritika kona-ba asuntu sira hanesan idade no status ne'ebe nia iha. Ho ida ne'e, nia hato'o
"Antes hau atu tuir eventu ne'e, hau hatete ba sira hau nia staus no idade. Maibe kommitee hatete laiha problema. Hau ema ida ne'ebe buka hatene uluk antes informasaun antes atu involve -an iha atividade ka eventu ida. Agora ba oin ne'e ba beuaty pageant regulamentu muda ona".
Ba nia, kritika ne'ebe nia hetan fo liu tan motivasaun ba nia atu kontinua nia servisu ho diak. Nia haree ida ne'e hanesan pasu positivu ida. Oportunidade ida ne'e fo nia atu hakbesik-an liu tan ho joven sira hodi fahe esperensia no seluk tan.
Liu husi esperensia ne'e mos nia hakarak fahe legadu ida husi nia-an rasik ba ema seluk, inklui familia, kolega no joven Timor-oan no mundial sira.
Nia mensajen ba maluk Timor-oan sira maka" Bainhira hau hamrik hanesan Miss Planeta Internasional, nudar Timor-oan, hau laos reprezenta ita nia joven sira deit, ka sira ne'ebe mak mak idade, maibe hau reprezenta ita hotu iha ne'eba. Atu hahu kareira ida duni imi nia mehi, la haree ba idade. Ne'ebe atu kuida ita nia beleza la haree ba idade. Ita hotu2 tenke prontu no hili buat ne'ebe mak sira hakarak halo. No ba sira ne'ebe mak hakarak tuir beauty pageant ka sira seluk;
Imi tenke prepara imi nia-an, bonita laos fiziku deit, maibe bonita mai husi ita nia hanoin no husi ita nia fuan. Moris ne'e labele rilex demais, maibe tenke duni imi nia mehi. Imi tenke respeita no fo valor ba imi nia-anEufarsia Vieira, reprezentante husi Timor-Leste ba Miss Planeta Internasional 2026
