Atór filme ho idade tinan 10 hosi Timor-Leste hetan nia esperensia premeiru ho filmi iha Disney. Solomon Bravery Horta, ne'ebe hela iha Irlanda Norte, ho aman Helio Dos Reis Horta hosi Timor no Inan, Maria Siahaan Horta, hosi Indonesia, koalia kona-ba nia esperensia halo filmi "The Boy and The Octopus". Liu husi filmi ne'e nia dehan nia hetan inspirasaun husi animal tasi nian, Kurita, ne'ebe hanesan animal matenek no laran diak.
Bem-vindo ba ami nia epizódiu espesiál ohin loron ne'ebé ami hetan oportunidade husi autor kiik hosi Timor, Solomon Horta, ne'ebe konta nia istoria kona-ba nia esperiénsia halo filmi badak ba Disney.
Tuir nia hatete katak, istoria ida ne'e kona-ba amizade entre kurita ida ho labarik ida. Amizade ida ne'e halo Solomon fo perpestiva foun ba nia katak laos animal hotu hakarak ataka ema, maibe iha balun hanesan kurita ne'ebe hakarak halo amizade ho ema.
Hakarak hatene liu tan istoria ne'e, bele rona ami nia podcast ne'e no bele hare nia video tau iha ami nia facebook page.
Ba ita-boot sira ne'ebe mak hakarak hare flimi ne'e, Solomon haktuir katak ita boot sira bele hare iha link tuir mai iha Youtube ou ka iha kanal Disney nian
Tuir mai foto balun ne'ebe ami hetan husi Solomon nia inan-aman husi filmi ne'ebe nia halo ho Disney.
