SBS བོད་སྐད་སྡེ་ཚན།

ཨོ་གླིང་ལྗང་ཁུ་ཚོགས་པའི་གྲོས་ཚོགས་འཐུས་མི་ཚང་མས་བོད་མིར་རྒྱབ་སྐྱོར་གནང་བ།

གྲོང་སྡེ་ལྷན་ཁང་མདུན་དུ་རྒྱལ་དར་སྒྲེང་འཛུགས། Source: SBS Tibetan

ཨོ་གླིང་རི་སྔོན་པོ་རུ་བོད་མི་ཚོས་ས་གནས་གྲོང་སྡེ་ལྷན་ཁང་མདུན་དུ་དུས་དྲན་སྲུང་བརྩི་སྐབས་གྲོང་སྡེ་ལྷན་ཁང་མདུན་དུ་གཞུང་འབྲེལ་ཐོག་བོད་ཀྱི་རྒྱལ་དར་སྒྲེང་འཛུགས་དང་། ཨོ་སི་ཊོ་ལི་ཡའི་ཆབ་སྲིད་ཚོགས་པ་ཁག་དང་ལྷག་པར་ལྗང་ཁུ་ཚོགས་པའི་གྲོས་ཚོགས་འཐུས་མི་ཚང་མས་བོད་མིར་རྒྱབ་སྐྱོར་དང་གདུང་སེམས་མཉམ་བསྐྱེད་ཡོད་སྐོར་གསུངས་སོང་།

Tibetan uprising day
SBS Tibetan
ཕྱི་ལོ་ ༢༠༢༡ ཟླ་ ༣ པའི་ཚེས་ ༡༠ ཉིན་འཛམ་གླིང་གི་ས་གནས་གང་སར་བོད་མི་དང་བོད་དོན་རྒྱབ་སྐྱོར་བ་ཚོས་བོད་ཀྱི་རྒྱལ་ས་ལྷ་ས་རུ་བོད་མི་ཚོས་རྒྱ་ནག་གི་བཙོན་བཙན་འཛུལ་ལ་སྒེར་ལངས་བྱས་ནས་མི་ལོ་ ༦༢ འཁོར་བའི་དུས་དྲན་སྲུང་བརྩི་བྱེད་བཞིན་པར་ལྟར། ཨོ་གླིང་རི་སྔོན་པོ་རུ་བོད་མི་ཚོས་ས་གནས་གྲོང་སྡེ་ལྷན་ཁང་མདུན་དུ་དུས་དྲན་སྲུང་བརྩི་དང་།  ས་གནས་གཞུང་འབྲེལ་ཐོག་བོད་ཀྱི་རྒྱལ་དར་སྒྲེང་འཛུགས་བྱས།

Tibetan uprising day
SBS Tibetan
འདི་ལོར་གཞུང་འབྲེལ་ཐོག་རྒྱལ་དར་སྒྲེང་འཛུགས་ཐེངས་གསུམ་པ་དེ་ཡིན་ཞིང་། རྒྱལ་དར་དེ་བཞིན་གྲོང་སྡེ་ལྷན་ཁང་མདུན་དུ་དུས་ཡུན་བདུན་ཕྲག་གཅིག་ཙམ་གྱི་རིང་སྒྲེང་འཛུགས་བྱེད་ཀྱི་ཡོད་པ་དང་། ཨོ་སི་ཊོ་ལི་ཡའི་ནང་གཞུང་འབྲེལ་ཐོག་བོད་ཀྱི་རྒྱལ་དར་སྒྲེང་འཛུགས་བྱེད་ས་ས་གནས་གཅིག་པུ་དེ་ཆགས་ཡོད་པ་རེད།

Tibetan uprising day
SBS Tibetan
དེ་རིང་མཛད་སྒོ་ཐོག་ཨོ་སི་ཊོ་ལི་ཡའི་ཆབ་སྲིད་ཚོགས་པ་ཆེ་ཁག་གསུམ་གྱི་ཚོགས་མི་ཡིན་པ་གང་ཞིག གྲོང་སྡེ་ལྷན་ཁང་གི་འཐུས་མི་ཁག་ཅིག་མཛད་སྒོར་མཉམ་ཞུགས་བྱས་ཡོད་པའི་ནང་གྲོང་སྡེ་ལྷན་ཁང་གི་འཐུས་མི་ Romola Hollywood ལགས་ཀྱིས་གྲོང་སྡེ་ལྷན་ཁང་མདུན་དུ་བོད་ཀྱི་རྒྱལ་དར་སྒྲེང་འཛུགས་བྱེད་དགོས་པའི་གྲོས་ཆོད་བཞག་ཐུབ་པ་དེ་སྤོབས་པ་སྐྱེས་ཀྱི་ཡོད་པ་དང་། འདི་ནི་གཞི་རིམ་གྱི་རྒྱབ་སྐྱོར་གལ་ཆེན་ཞིག་དང་རིམ་པར་ས་གནས་གཞན་ཁག་ལའང་དེ་མཚུངས་སྒྲེང་འཛུགས་ཐུབ་པའི་རེ་བ་ཡོད་སྐོར་གསུངས་སོང་། ཁོ་མོ་ནི་ཨོ་སི་ཊོ་ལི་ཡའི་ Labor ཆབ་སྲིད་ཚོགས་པའི་ཚོགས་མི་ཆགས་ཡོད་པ་རེད།

Tibetan uprising day
SBS Tibetan
དེ་རིང་གསུམ་བཅུ་དུས་དྲན་ཉིན་ཨོ་སི་ཊོ་ལི་ཡའི་ནང་ཆབ་སྲིད་ཚོགས་པ་ཆེ་ཁག་གསུམ་ཙམ་ཡོད་པའི་ནང་། ལྗང་ཁུ་ཚོགས་པའི་གྲོས་ཚོགས་འཐུས་མི་ཁག་ཅིག་གིས་བོད་མིའི་གསུམ་བཅུ་སྒེར་ལངས་ཉིན་མོར་རྒྱབ་སྐྱོར་གདུང་སེམས་མཉམ་བསྐྱེད་ཡོད་པའི་གསུངས་འཕྲིན་ཞིག་གྲོང་སྡེ་ལྷན་ཁང་གི་འཐུས་མི་ Kerry Brown ཡིས་སྒྲོག་སྦྱང་གནང་བ་དང་ཁོང་མོས་ལྗང་ཁུ་ཚོགས་པའི་དབུས་གྲོས་ཚོགས་འཐུས་མི་དང་མངའ་སྡེའི་གྲོས་ཚོགས་འཐུས་མི་ཚང་མ་དེ་རིང་འདིར་ཕེབས་ཐུབ་མེད་ཀྱང་ཁོང་ཚོ་ཚང་མས་རྒྱབ་སྐྱོར་གྱི་འཕྲིན་ཡིག་འདི་ངས་ཀློག་རྒྱུ་ཡིན་ཞེས་གསུངས་སོང་།

འཕྲིན་ཡིག་དེའི་ནང་”ལྗང་ཁུ་ཚོགས་པའི་གྲོས་ཚོགས་འཐུས་མི་རྣམས་ཀྱིས་ཨོ་སི་ཊོ་ལི་ཡའི་ནང་ཡོད་པའི་བོད་མི་དང་བོད་རིགས་མཐུན་ཚོགས་རྣམས་ཀྱིས་གསུམ་བཅུའི་དུས་དྲན་སྲུང་བརྩི་གནང་བཞིན་པར་གདུང་སེམས་མཉམ་བསྐྱེད་ཡོད།

དེ་རིང་ནི་ཕྱི་ལོ་ ༡༩༥༩ ལོར་བོད་ཀྱི་རྒྱལ་ས་ལྷ་ས་རུ་བོད་མི་ཚོས་རྒྱ་ནག་གཞུང་གིས་བཙན་གནོན་ལ་ཞི་བའི་ངོ་རྒོལ་བྱས་པའི་ཉིན་མོ་ཞིག་ཆགས་ཡོད།

ང་ཚོས་དེ་རིང་སྐབས་དེར་བོད་ཀྱི་ཆེད་དུ་ཚེ་སྲོག་ཤོར་མཁན་རྣམས་ལ་གུས་བརྩི་དང་། ཁོང་ཚོའི་ནང་མི་རྣམས་ལ་སེམས་གསོ་ཞུ་རྒྱུ་མ་ཟད། འདི་དག་ཚང་མ་མི་རབས་ནས་མི་རབས་བརྒྱུད་ཏེ་རང་དབང་འཐབ་རྩོད་བྱེད་བཞིན་པར་ངོས་འཛིན་བྱེད་ཀྱི་ཡོད།

དེ་རིང་རི་སྔོན་པོར་བོད་ཀྱི་རྒྱལ་དར་སྒྲེང་འཛུགས་བྱེད་བཞིན་པ་འདི་ཡང་བོད་མི་ཚོས་ལོ་ངོ་ ༦༠ རིང་རང་དབང་འཐབ་རྩོད་ལ་ས་གནས་མི་མང་གིས་རྒྱབ་སྐྱོར་གྱི་རྣམ་པ་མཚོན་ཡོད་ཅེས་བྲིས་འདུག

ཡང་ས་གནས་གྲོང་སྡེ་ལྷན་ཁང་གི་འཐུས་མི་ Kerry Brown ལགས་ཀྱིས་ང་ཚོ་བོད་མི་སྐྱབས་བཅོལ་བ་འདི་ཚོ་ཡོད་པ་དེ་སྤོབས་པ་སྐྱེ་བཞིན་ཡོད་པས་མ་ཚད། བོད་མིའི་སྒྱུར་རྩལ་དང་རིག་གཞུང་ལ་བརྟེན་ནས་ང་ཚོའི་ས་གནས་འདིར་རིག་གཞུང་སྔར་ལས་ཕྱུག་པོ་ཆགས་ཡོད་སྐོར་གསུངས་སོང་།

Tibetan uprising day
SBS Tibetan
ཁོ་མོས་དེ་རིང་ངས་འདི་ནས་གྲོང་སྡེའི་སྤྱི་ཁྱབ་ཀྱི་ཚབ་དང་ང་རང་རང་ཉིད་ཀྱི་ངོས་ནས་སྐད་ཆ་བཤད་བཞིན་ཡོད། དེ་རིང་ཞོགས་པ་ངས་ཁོང་ལ་དམིགས་བསལ་སྐད་ཆ་ག་རེ་བཤད་དགོས་མིན་དྲིས་དུས། ཁོང་གི་སེམས་གཏིང་གི་སྐད་ཆ་དེ་ཤོད་གསུངས་བྱུང་། ང་ཚོས་བོད་མི་རྣམས་འདི་ལ་སྐྱབས་བཅོལ་དུ་བླངས་རྒྱུ་བྱུང་བ་དེ་ལ་སྤོབས་པ་སྐྱེ་བཞིན་ཡོད། དེ་རིང་འདི་རུ་སྐྱེས་པའི་བོད་མི་གཞོན་སྐྱེས་མང་པོ་ཞིག་མཐོང་རྒྱུ་འདུག ང་ཡང་ས་གནས་འདི་ལ་སྐྱེས་པ་རེད། བོད་མི་གཞོན་སྐྱེས་མང་པོ་ཞིག་འཚར་ལོངས་འབྱུང་བཞིན་པ་འདི་རི་སྔོན་པོ་སྟེང་གི་གཞོན་སྐྱེས་མང་པོ་ཞིག་འཚར་ལོངས་ཡོང་གི་ཡོད་པས་དགའ་འོས་པ་ཞིག་རེད། ང་ཚོ་འདི་རིག་གཞུང་ལྟེ་གནས་ཁང་ལ་ནང་ཆོས་ངོ་སྤྲོད་དང་། བོད་མིའི་པར་རིས་སྒྱུར་རྩལ་འགྲེམས་སྟོན་སོགས་བྱེད་བཞིན་ཡོད་པས་ང་ཚོའི་རིག་གཞུང་སྔར་ལས་ཕུན་སུམ་ཚོགས་པ་ཆགས་ཡོད་ཅེས་སོགས་གསུངས་སོང་།

དེ་རྗེས་གྲོང་སྡེ་ལྷན་ཁང་གི་འཐུས་མི་གཞན་དང་། ས་གནས་སྐྱབས་བཅོལ་ལྷན་ཁང་གི་འཐུས་མི་སོགས་ཀྱིས་རིམ་པར་གསུང་བཤད་གནང་ཡོད།

གཞན་ཡང་དེ་རིང་རི་སྔོན་པོ་ཡོད་པའི་བོད་པའི་ཕྲུ་གུ་རྣམས་ཀྱིས་གསུམ་བཅུ་དུས་དྲན་སྐོར་བྲིས་པའི་འཆར་སྣང་རི་མོ་སྒྱུ་རྩལ་ཞིག་ཀྱང་འགྲེམས་སྟོན་གནང་འདུག་བ་དང་། དུས་དྲན་གོ་སྒྲིག་གནང་མཁན་འབྲི་ས་འཛིན་ལགས་ཀྱིས་དེ་རིང་གི་གསུམ་བཅུའི་དུས་དྲན་གྱི་དགོས་པ་དང་། ས་གནས་མི་མང་རྣམས་ཀྱིས་རྒྱབ་སྐྱོར་གང་འདྲ་གནང་གི་ཡོད་མེད་སྐོར་འགྲེལ་བརྗོད་གནང་སོང་།

དུས་དྲན་སྲུང་བརྩི་ཉིན་ཨོ་གླིང་རི་སྔོན་པོར་གནས་སྡོད་བྱེད་མཁན་བོད་མི་དང་བོད་དོན་རྒྱབ་སྐྱོར་བ་བཅས་ཁྱོན་མི་གྲངས་ ༨༠ ཙམ་འདུ་འཛོམས་གནང་འདུག

Coming up next

# TITLE RELEASED TIME MORE
ཨོ་གླིང་ལྗང་ཁུ་ཚོགས་པའི་གྲོས་ཚོགས་འཐུས་མི་ཚང་མས་བོད་མིར་རྒྱབ་སྐྱོར་གནང་བ། 10/03/2021 07:05 ...
SBS ཡི་སྐད་ཡིག་སྣ་ཚོགས་ཀྱི་ཞབས་ཞུ་ཁག་བསྐྱར་ཞིབ། 16/10/2021 05:46 ...
སྨན་པ་ཚོས་བུད་མེད་སྦྲུམ་མ་རྣམས་ལ་ཏོག་དབྱིབས་འགོག་ཁབ་ངེས་པར་རྒྱག་དགོས་པའི་སློབ་སྟོན་གནང་བ། 14/10/2021 05:40 ...
ནིའུ་སའོ་ཐི་ཝལ་མངའ་སྡེའི་ནང་བཀག་བསྡོམས་བསྐྱར་དུ་སྒོ་ཕྱེ་སྐབས་ཁྱེད་རང་གིས་ག་རེ་བྱེད་ཆོག་གམ། 08/10/2021 04:09 ...
ནོར་ར་ (Nowra) བོད་མིའི་གཙང་བཟོ་ལས་རིགས་ཚོང་ལས་ཞབས་ཞུ། 01/10/2021 11:31 ...
འགོག་ཁབ་བརྒྱ་ཆ་ ༨༠ བརྒྱབ་ཚར་རྗེས་རང་དབང་ཆགས་ཀྱི་རེད། 29/09/2021 04:59 ...
སེན་ཊེར་ལིང་སྐྱོབ་གསོའི་དངུལ་རག་ཆེད་དུས་ཡུན་རིང་པོ་སྒུག་དགོས་ཀྱི་ཡོད་པ་རེད། 26/09/2021 07:36 ...
ཨ་ཧྥི་རི་ཀའི་འགོ་ཁྲིད་ཚོས་ཏོག་ནད་འགོག་ཁབ་བགོ་འགྲེམ་འདྲ་མཉམ་བྱུང་མེད་པའི་སྐྱོན་བརྗོད། 26/09/2021 04:55 ...
ཨོ་སི་ཊོ་ལི་ཡའི་མཚོ་འགྲམ་གྱི་ས་ཆ་གང་ཞིག་རྒྱ་མཚོའི་ནང་ནུབ་སྲིད་དམ། 22/09/2021 04:48 ...
སེམས་ཁམས་ཀྱི་ནད་དང་འབྲེལ་བའི་ཉེན་བརྡ་ངོ་འཕྲོད་ཚུལ། 17/09/2021 07:50 ...
View More