རིག་གཞུང་དུས་སྟོན་དེའི་ཐོག་སྐུ་མགྲོན་གཙོ་བོར་སྐུ་ཚབ་དོན་གཅོད་སྐུ་ངོ་ཀརྨ་སེངྒེ་མཆོག་དང་། ཆེད་བསྟོད་སྐུ་མགྲོན་ས་སྐྱ་ཐེག་པ་གླིང་ཆོས་ཚོགས་ཀྱི་འགན་འཛིན་སྤྲུལ་སྐུ་གདུང་རྒྱུད་རིན་པོ་ཆེ། དམིགས་བསལ་སྐུ་མགྲོན་སིཌ་ནིང་བོད་རིགས་མཐུན་ཚོགས་ཀྱི་ཚོགས་གཙོ་རྔ་པ་ཆོས་མཛད་སོགས་ཀྱི་གཙོས་པའི་སྐུ་མགྲོན་ཁག་དང་། བོད་མི་སོགས་ཁྱོན་མི་གྲངས་ ༣༥༠ ཙམ་འདུ་འཛོམས་གནང་འདུག
ད་ཐེངས་ཀྱི་རིག་གཞུང་དུས་སྟོན་དེའི་ཐོག་གཞས་སྣ་གཟིགས་འབུལ་དང་། བོད་ཀྱི་ས་ཁུལ་སོ་སོའི་ཐུན་མོངས་མ་ཡིན་པའི་གྱོན་གོས་གཟིགས་འབུལ་གོམ་བགྲོད་དང་། གཞན་ཡང་རྩེད་རིགས་སྣ་ཚོགས་གོ་སྒྲིག་གནང་ཡོད་པ་རེད།
