ጥሙር ሓይሊታት ኢትዮጵያ ን ወልዲያን ንካልኦት ኣገደስቲ ከባቢታትን ተቖጻጺሮም ከምዘለዉ ተሓቢሩ።

ዶ/ር ለገሰ ቱሉ ብቀዳም 18 ታሕሳስ 2021 ኣብ ዝሃቡዎ መግለጺ ሓይልታት ኢትዮጵያ ብሓባር ኣብ ዘካየዱዎ ወፍሪ ንሳንቃ፡ ሲሪንቃ፡ ናይ ሰሜን ወሎ ዋና ከተማ ዝኾነት ከተማ ወልዲያ፡ ሓራን፣ ጎብዬን፣ ሮቢትን ቆቦን ምሉእ ብምሉእ ተቖጻጺሮምወን ኢሎም።

 ብተወሳኺ፡ ሓሙሲት፣ እስታይሽ፣ አሁን ተገኝ፣ ድልብ፣ ኩል መስክን ኣብ ዙርየአን ዝርከቡ ኣከባቢታትን ናጻ ምውጸአን ኣረዲኦም።

 ሰራዊት ኢትዮጵያ ምስ መሻርኽቱ ኣብ ዝሓለፈ ሰሙን መሊሳ ኣብ ኢድ  ሰራዊት ትግራይ ንዝኣተወት ታሪኻዊት ከተማ ላሊበላን ከባቢኣን ዳግማይ ኣብ ትሕቲ ቁጽጽሩ ከምዘእተዋ እውን ኣብሪሆም።

ወሃቢ ቃል ህወሓት ኣቶ ጌታቸው ረዳ ብወገኖም ኣብ ገጽ ትዊተር ኣብ ዝዘረግሑዎ ሓበሬታ

" እንኮ ዓወቶም ናትና ምልቃቕ 'ዩ።" ኢሎም።

መቐለን ወልድያን ዘራኽብ መገዲ ቆሪጽናዮ ዝብል ቅድሚ ሽዱሽተ መዓልቲ ዝወጸ መግለጺ ብልጽግና ኣብ ጋሸና ዝወረዶ ስዕረት ንምሽፋን እዩ ነይሩ ዝበሉ ኣቶ ጌታቸው ሕጂ ውን መሊሱ ባዕሉ እቲ መግለጺ ከም ዝደገሞ ይሕብሩ።

" እንኮ ዓወቶም ናትና ምልቃቕ 'ዩ።" ኣብ ዝብል ጥቕሉል ሓሳብ ግን ካበይን መዓዝን ከም ዝወጹ ዘነጽር ኣይኮነን።

እቲ ከባቢ ንማዕከናት ሓበሬታ ክፉት ብዘይምዃኑን መስመራት ሓበሬታ ብምዕጻዎምን  ብዘይሻራዊ ኣካል ዝተረጋገጸ ኣይኮነን።