ሓካይም መንግስቲ ኣብ ምምካት ሓደስቲ ዓሌታት ኮቪድ ዝያዳ ክሰርሕ ኣለዎ ይብሉ፣ መንግስቲ ግን ምኽሪ ጥራይ ኣኻሊ'ዩ ይብል

ዝለዓሉ ዶክተራት ኣውስትራልያ መንግስቲ ምስፍሕፋሕ’ዚ ሓድሽ ዓሌት ኦሚክሮን ኮቪድ ደው ንምባል ዝያዳ ክገብር መጸዋዕታ ኣቕሪቦም። ማሕበር ሓካይም ኣውስትራልያ (Australian Medical Association) እዚ ማዕበል ኮቪድ-19 ካብ’ቲ ኣብ ወርሒ ጥሪ ዝነበረ ጠርዚ ምልባዕ ብዝለዓለ ዝኸፍአ ክኸውን’ዩ ድሕሪ ምባል እቲ ጸቕጢ ኣብ ልዕሊ ሆስፒታላት ኣዝዩ ልዑል ክኸውን’ዩ ኢሉ። እንተኾነ ግን ቀዳማይ ሚኒስተር ኣንቶኒ ኣልባነዚ እቲ ዘሎ ምኽሪ ክንክን ጥዕና ማስክ ወይ መሸፈኒ ኣፍን ኣፍንጫን ክግበር ክተባባዕ ኣለዎ እንበር ብሕጊ ክሕገግ ወይ ከገድድ የብሉን ዝብል’ዩ ክብል ገሊጹ።

---