ሓጺር ሌላ ምስ እሱራት ጋዜጠኛታት ኤርትራ (ሳልሳይን ናይ መወዳእታን ክፋል)

እዚ መደብ ሳልሳይን መወዳእታን ክፋል ናይቲ ምስ ፐን ኤርትራ ብምትሕብባር ዝግበር ዘሎ ሓጺር መላልዪ መደብ’ዩ። ጋዜጣታት ብሕቲ ኤርትራ ብ18 መስከረም 2001 ድሕሪ ምዕጻወን᎓ ኣብ ዝሰዓበ ሓሙሽተ መዓልታት ኣትሒዙ ሃድን ጋዜጠኛታት ብሕቲ’ዩ ቀጺሉ። ኣብቲ ድሕሪ ምዕጻው ዝሰዓበ ማእሰርቲ ጋዜጠኛታት ቀዳማይ ዙር ንዓሰርተ ጋዜጠኛታት ዝዓለመ ሃድን ክኸውን ከሎ᎓ ኣብ ወርሒ ጥቅምቲ ድማ ንጸሓፍቲ ሳህለ ጸጋዝኣብ (ወዲ-ኢታይ)ን እድሪስ ሰዒድ (ኣባ-ዓረን) ስዒቦም። እንሆ 17 ዓመት ኰይኑ እምበር እዞም 12 ጋዜጠኛታት ብሕትቲ᎓ ምስቶም ናይ ፖለቲካ እሱራት ደሃይ የብሎምን። ኣብ ዝቐድመ ክልተ ክፋላት ሓጺር መላልዪ ምስ ጋዜጠኛታት ማቲዎስ ሃብተኣብ᎓ መድሃኔ ሃይለ᎓ ዳዊት ሃብተሚካኤል᎓ ኣማኑኤል ኣስራት᎓ ፍስሃ ዮሃንስ (ጆሽዋ)᎓ ሳህለ ጸጋዝኣብ (ወዲ-ኢታይ)᎓ ስዒድ ዓብደልቃድርን እድሪስ ሰዒድ (ኣባ-ዓረን) መላልዪ ጌርና ኔርና። ንሎሚ ከኣ ካልኦት ኣርባዕተ ከነላሊ ኢና። ምስ ጽበት ግዜ እዚ ጽሑፍ ተጸሚቝ ይቐርብ ስለ ዘሎ᎓ ብምሉኡ ኣብ ወግዓዊ መርበብ ሓበሬታ’ዚ ማሕበር᎓ www.peneritrea.com ምውካስ ይከኣል።

Source: Pen Eritrea