ሓ/ትግራይ ካብ ዓፋርን ኣምሓራን: ሰራዊት ኤርትራ ካብ ኢትዮጵያ፣ ዕጡቓት ኣምሓራ ድማ ካብ ምዕራባዊ ትግራይ ክወጹ ኣሜሪካ ጸዊዓ።

ሓጸርቲ ጸብጻብ፥ ሓላፊ ትካል ሰብኣዊ ረድኤት ውድብ ሕቡራት ሃገራት ኣብ ልዕሊ ወሃብቲ ሰብኣዊ ረድኤት ዝግበር ጠቐነ ደው ክብል ኣለዎ ኢሎም። ሓይልታት ትግራይ ካብ ክልላት ዓፋርን ኣምሓራን: ሰራዊት ኤርትራ ካብ ኢትዮጵያ ጠቕሊሉ ክወጽእ፣ ዕጡቓት ኣምሓራ ካብ ምዕራባዊ ትግራይ ፤ ክወጹ ኣሜሪካ ጸዊዓ። ጉጅለ ዶብ ኣልቦ ሓካይም ዝርከቡዎም ኣብ ትግራይ ሰብኣዊ ረድኤት ዘቕርቡ ዝነበሩ ትካል ብመንግስቲ ኢትዮጵያ ከም ዝተኣገዱ ገሊጾም። ዝሓለፈ ሰሙን ጁቡቲ ምስ ኢትዮጵያን ኤርትራን ኣብ ትዋሰነሉ ከባቢ ኣብ ሞንጎ ዓፋርን ሶማልን ብዝተወለዐ ጎንጺ ሰለስተ ሰባት ከም ዝተቐትሉ ዓቃቢ ሕጊ ጁቡቲ ተዛሪቡ።

Source: Getty Images