ብምኽንያት መጉዳእቲ ናብ ቐጠር ዘይከዱ ተጻወቲ በብመዓልቱ እናወሰኹ ብምኻዶም ዋንጫ ዓለም መቐረቱ ከየጥፍእ ስግኣት ሓዲሩ

ሰሙናዊ መደብ ስፖርት (07/11/2022) * ኢትዮጵያዊት ሰቻለ ደላሳ ሰንበት ኣብ ዝተኻየደ ውድድር ጉያ እግሪ ማራቶን ኢስታንቡል ተዓዊታ፣ * ማራቶን ሶዌቶ ሰንበት ተኻይዱ ኢትዮጵያውያን ኣትሌታት ብደቂተባዕትዮ ቀዳማይን ካልኣይን ክኣትዉ እንከለዉ ብደቀንስትዮ ኸኣ ኩሉ ቦታ ፖድየም ብምውሳድ ተዓዊተን፣ * ኬንያውያን ኣብ ዝዓብለልዎ ማራቶን ኒውዮርክ ጎትይቶም ገብረስላሰ 2ይቲ ክትወጽእ እንከላ ሹራ ኪታታ 3ይ ወጺኡ፣ * ኣብ ሱዳን ኣብ ዝካየድ ዘሎ መጻረዪ ግጥማት ንዋንጫ ሃገራት ኣፍሪቃ መንእሰያት ት20 ወይ ኣፍኮን U20 ኢትዮጵያ ንኡጋንዳ 1-0 ድሕሪ ምስዓራ ናብ ፍርቂ ፍጻመ ሓሊፋ፣ * ሓያላት ተጻወቲ ኩዕሶ እግሪ ዓለምና ሃገራቶም ብዘይምሕላፈን ካብ ዋንጫ ዓለም ፊፋ 2022 ቐጠር ምትራፎም ከይኣክል ካብ’ተን ተሳተፍቲ ሃገራት ከኣ ብምኽንያት መጉዳእቲ ዝተርፉ በብመዓልቱ እናወሰኹ ብምኻዶም ዋንጫ ዓለም መቐረቱ ከይጠፍእ ስግኣት ሓዲሩ፣

Antoine Griezmann (L), Paul Pogba (C) and Kylian Mbappe (R) of France Credit: Icon Sport