ቀጥታ ምሉእ ትሕዝቶ ኤስ ቢ ኤስ ትግርኛ ፖድካስት (01 ግንቦት 2023)

ናይ ሰኑይ ሓደ ግንቦት 2023 ምሉእ ትሕዝቶ፡ ሱዳን ኣብ መንጎ ተቐናቐንቲ ወታደራዊ ሓይልታት ዝግበር ዘሎ ንሳልሳይ ሰሙን ሒዝሉ ኣብ ዘሎ እዋን፡ ኣብ ካርቱም መጥቃዕቲ ነፈርትን መዳፍዕን ቀጺሉ ኣሎ። እቲ ኲናት ደው እንተዘይኢሉ ብዙሓት ሰላማውያን ሰባት ክሃድሙን ዝሰፍሐ ህውከት ከስዕብ ከም ዝኽእል መጠንቀቕታ ይወሃብ ኣሎ። ነዚ ዝምልከት ትንታነ ዜና ኣለና። ኣብ ናይ ቃለ መሕትት መደብና’ውን ምስዚ ዝተሓሓዝ ምስ ጋዜጠኛ ብርሃን እስማዒል ዝገበርናዮ ቃለ መሕትት ካልኣይ ክፋል እዩ። ልኡኽና ካብ ዝለኣኸልና ጸብጻብ ኣርእስታት፦ ኩባንያ ዕደና ወርቂ ኣውስትራልያ ላይኮፖድየም ምስ ኢትዮጵያ ትካል ዕደና ወርቂ ስምምዕ ተፈራሪሙ። መንግስቲ ኢትዮጵያ ብገበን ራዕዲ ካብ ዝጠርጠሮም ሰባት ነቶም 47 ከም ዝኣሰረን ንካልኦት ይሃድን ከም ዘሎን ኣፍሊጡ። ኢትዮጵያ ወተሃደራዊ ኣገልግሎት ንምጅማር ኣዋጅ ከም ዘፅደቐት ተገሊጹ። ኣብ ትግራይ ተቛሪፀንሐ ኣገልግሎት ጉምሩክ ዳግማይ ጀሚሩ ሰሙናዊ መደብ ስፖርት ናይ ኢብራሂም ዓሊ ካብዝድህስሶም ዜናታት ስፖርት፥ ኣብ ከተማ በልፋስት፣ ሰሜን ኣየርላንድ፣ ኣብ ዝተኻየደ ውድድር ጉያ እግሪ ማራቶን ኢትዮጵያዊት ሽዋየ ወልደመስቀል ተዓዊታ፣ * ኣብ ጀርመን ኣብ ዝተኻየዱ ውድድራት ጉያ እግሪ ኢትዮጵያውያን ኣትሌታት ዓብላሊ ዓወታት ኣመዝጊቦም፣ ኣርእስታት ዜና፥ ** ብዙሓት ኣውስትራሊያውያን ናይ መጀመርያ መንበሪ ገዛ ንምግዛእ ሓገዝ ይረኽቡ ** ማሕበራት ሰራሕተኛ ፈረንሳ ሎሚ [1 ግንቦት] ዓለምለኻዊ መዓልቲ ሰራሕተኛታት ምኽንያት ብምግባር ኣብ መላእ እታ ሃገር ናይ ተቓውሞ ሰልፍታት የካየድ ኣሎ ። ** ኣብ ግጥማት ኩዕሶ እግሪ ፕሪምየር ሊግ ዓዲ እንግሊዝ ማንቸስተር ሲቲ ድሕሪ 10 ሰሙናት ንፈለማ ግዜ መሪሕነት መሳልል ተርታ ጋንታታት ተረኪባ፣ ሊቨርፑል ንቶተንሃም ስዒራ ናብ ሓምሻይ ተርታ ደይባ፣