ቀጥታ ምሉእ ትሕዝቶ ፖድካስት ኤስ ቢ ኤስ ትግርኛ (07 ሕዳር 2022)

ናይ ሰኑይ 7 ሕዳር 2022 ምሉእ ሰዓት መደብ ኤስ ቢ ኤስ ትግርኛ፡ “ኣብ ካይሮ ዝግበር ዓለማዊ ዋዕላ ክሊማን ትጽቢታትን” ብዝብል ኣርእስቲ ሓደ ጸብጻብ ። ልኡኽና ዝሰደደልና ጸብጻብ ኣርእስታቶም፥ ምፍታሕ ዕጥቂ ሰራዊት ትግራይ ከቢድ ተቓውሞ ገጢሙዎ። መንግስቲ ኢትዮጵያን ንኣፈታትሓ እቲ ዕጥቂ ዝምልከት ዝርርብ ኣብ ኬንያ ከም ዝካየድ ገሊጹ ኣሎ። ሰራዊት ናጽነት ኦሮሞ ንሓንቲ ካብ ፖለቲካዊ ጽልዋ ዘሕድራ ከተማታት ኦሮምያ ዝኾነት ነቀምት ተቖጻጺሩ። ኤምባሲ ኤርትራ ኣብ ብሪጣንያ ንክፍሊት 2% ካብ ዳያስፖራ ኣመልኪቱ ዝቐረበሉ ክሲ ነጺጉዎ። ኣብ ናይ ቃለ መሕትት መደብና ምስ ዶ/ር ሳላሕ ጂሚዕ ብዛዕባ ቁጠባዊ ቅልውላው፡ ክብሪ መነባብሮን ዝምልከት ዝገበርናዮ ካልኣይ ክፋል ክቐርብ እዩ። ሰሙናዊ መደብ ስፖርት ናይ ኢብራሂም ዓሊን ካልእ ትሕዝቶታትውን ። ካብ ኣርእስታት ዕለታዊ ዜና፥ ** መራሕቲ ዓለም ናይ ኮፕ-27 ዝካየድ ዋዕላ ለውጢ ክሊማ ኣብ ግብጺ ጀሚሩ ** ኣውስትራሊያዊያን ኣብዚ ዓመት እዚ ናይ 4 ቢልዮን ዶላር ብዲጂታዊ ስርቂ ወይ ስካመራት ገንዘቦም ክስእኑ ተኽእሎ ከም ዘሎ ፡ ፈደራል መንግስቲ ኣጠንቂቑ ። ** ሓንቲ ናይ ተጓዓዝቲ መገዲ ኣየር ታንዛንያ፡ ኣብ ቀላይ ቪክቶርያ ጥሒላ ፡ እንተ ወሓደ 19 ሰባት ሞይቶም ።