ቀጥታ ምሉእ ትሕዝቶ ኤስ ቢ ኤስ ትግርኛ (25 ግንቦት 2023)

ሓሙስ 25 ግንቦት 2023 ንሓደ ሰዓት ዝጸንሕ መደብና፥ ጸብጻብ ልኡኽና፥ 24 ግንቦት መበል 32 ዓመት ሃገራዊ መዓልቲ ናጽነት ኤርትራ ኣብ ኣስመራ ተጸምቢሉ። ኣብ ሱዳን ዝርከቡ ስደተኛታት ድሕነቶም ንክሕሎ ዝሓትት ደብዳበ ናብ ዉዱብ ሕቡራት ሃገራት ልኢኾም። ውድብ ሕቡራት 7 ቢልዮን ዳለር ንሰብኣዊ ሓገዝ ከምዘድልዮ ገሊጹ። ኣብ ትግራይ ተመዛበልቲ ናብ መረበቶም ክምለሱ ዝፅውዕ ሰልፊ ተኻይዱ። መስርሕ ምፍታሕ ዕጥቂ ሰራዊት ትግራይ፣ ካብ 85-90% ከምዝተዛዘመ ተገሊፁ ላዕለዋይ ቤተክህነት ትግራይ 10 ኤጵስ ቆጶሳት ከም ዝሸውም ኣፍሊጡ። ኣብ ናይ ቃለ መሕትት መደብና ዝሓለፈ ዝጀመርናዮ ጸሓፍን ተንታኒ ፖሎቲካን ሳልሕ ቓዲ። ቴክኖሎጂ ብሉቱዝ፡ እግሩ ዝለመሰ ሰብ ደው ክብል ክኸይድን ዓቐብ ክድይብን ኣኽኢሉ። ነዚ ዝምልከት ሓደ ትሕዝቶን ገዛ ኽራይ ምርካብ; ምንባር ኣብ ኣውስትራሊያ ብዝብል ኣርእስት ምንባር ኣብ ኣውስትራሊያን ቀሪብና ኣለና ቀንዲ ነጥቢታት ዜና፡ ** ቀዳማይ ሚኒስተር ናረንድራ ሞዲ ናብ ኣውስትራልያ ኣብ ዝገበሮ ምብጻሕ ስዒቡ፡ ነቲ ኣብ መንጎ ኣውስትራልያን ህንድን ተፈጢሩ ዘሎ ሓድሽ ቊጠባዊ ሽርክነት ዘጉልሕ ምዃኑ ተገሊጹ። ** ንግስቲ ሮክን ሮልን ኮኾብ ደራፊት ቲና ተርነር ፡ ድሕሪ ነዊሕ ሕማም ኣብ 83 ዓመታ ዓሪፋ ። ** መበል 32 ዓመት መዓልቲ ናጽነት ኤርትራ ኣብ ኣስመራን ኣብ ካልእ ሃገራት ብዝነብሩ ኤርትራዊያንን ተኸቢሩ።