ቀጥታ ምሉእ ትሕዝቶ ኤስ ቢ ኤስ ትግርና (27 ጥቅምቲ 2022)

ናይ ሎሚ ሓሙስ 27 ትቅምቲ 2022 ናይ ሓደ ሰዓት መደብና ፡ ካብ ኣርእስታት ዜና፥ ተላዘብቲ ትግራይ ተኹሲ ደው ክብል፣ ሰራዊት ኤርትራ ክወጽእን ረድኤት ክኣቱን ሓቲቶም። ወሃቢ ቃል መንግስቲ ኢትዮጵያ ድማ ሰብኣዊ ሓገዝን ሓለዋን ዜጋታት ንድርድር ኣይቐርብን ኢሉ። ኣብ ቃለ መሕትት መደብና፥ ዝርርብ ምስ መንእሰያት ብዛዕባ ተበግሶ መንእሰያት ንመንእሰያት ኣብ መደብ ምንባር ኣብ ኣውስትራሊያ “ንምሉእ ሃገር ደው ዘብል ዉድድር ኣፍራስ” ናብ ዝብል ኣርእስቲ ዝሓዘ እዩ። ካብ ኣርእስታት ዜና፥ ** ትረዠረር ጂም ቻለምስ ፡ ዋጋታት ጸዓት ኣብ ኢንዱስትሪ ኣውስትራልያ ጸቕጢ ስለ ዝፈጥር ዘሎ ፡ ገሊኦም ኣፍረይቲ ኢንዳስትሪታት ኣብ ውሽጢ ኣዋርሕ ክዕጸዉ ከም ዝኽእሉ ኣተሓሳሲቡ ። ** ኣብ ሰሜናዊ ፊሊፒንስ 6.4 ሬክተር ዝዓቐኑ ምንቅጥቃጥ ምድሪ ፡ ንሓያሎ ሰባት ከምዝጎድአን ኣባይቲን ህዝባዊ ትሕተ ቅርጽን ኣዕንዩ። ** ምክትል ፕሬዝደንት ደቡብ ሱዳን ሪክ ማቻር ካብቲ ኣብ ስልጣን ዘሎ ሰልፊ ክባረር ዝግበር ዘሎ ጸቕጢ ተቓዊሙ።