ዕለታዊ ዜና ኤስ ቢ ኤስ ትግርኛ ((06 ለካቲት 2025)

ንሎሚ ሓሙስ 6 ለካቲት 2025 ዝተዳለዉ ዜናታት። ኣርእስታት ዜና፥ ነቲ ዶናልድ ትራምፕ ዘቕረቦ ሓሳብ፡ ቓዛ ብ ኣመሪካ ክውነንን ነበርቲ ቓዛ ድማ ናብ ካልእ ክግዕዙን ብሰፊሑ ኣብ መላእ ዓለም ኣዘራራቢ ዛዕባ ቤተ መንግስቲ ዋይት ሃውስ ይጣበቐሉ ኣሎ። ኣብ ሽወደን ልዕሊ 10 ሰባት ዝቐተለን ብዙሓት ዘቑሰለን ሰብ ፡ ስራሕ ዘይብሉ ሪካርድ ኣንደርሰን ከምዝበሃልን ፖሊስ ገሊጹ፡ሬሳኡ ኣብቲ ቦታ ከም እተረኽበ'ውን ኣረጋገጹ ኣሎ። ውድብ ሕቡራት ሃገራት ፡ ኣብ ጎማ ዝርከብ መዓርፎ ነፈርቲ ብቕልጡፍ ክኽፈት ጸዊዑ ። ኣብ ኣመሪካ ብዘይሕጋዊ መገዲ ክነብሩ ዝጸንሑ ዝተባህሉ ልዕሊ 100 ህንዳውያን ስደተኛታት ብወተሃደራዊት ነፋሪት ናብ ሃገሮም ተጠሪዞም። ናይ ቀደም ተጻዋታይ A-F-L ዌስት ኮስት ኣዳም ሃንተር ኣብ መበል 43 ዓመት ዕድመኡ ዓሪፉ ።

Source: SBS