ሰላም ከመይ ትኾኑ ዝኸበርኩም ሰማዕትና። ካብ’ዚ ካብ ስቱዲዮ SBS መልበን፡ Australia፡ ንሎሚ ሶኑይ 18 ግንቦት 2026 ዘዳለናዮም መደባት ሒዝና ቀሪብና’ለና።
* ኣብ ናይ’ዚ ዓመት ፈደራል ባጀት ምትዕርራያት ኣብ ቀረጽ ኣባይቲ ኣብ መንጎ ክሃስዮም ዝኽእል ኣውስትራልያውያን መን’ዮም፧ መንግስቲ’ቶም ምቅይያራት ክውጥኖም’ንከሎ ኣባይቲ ንምግዛእ ዝቐለለ ዝኾነሉ ኩነታት ንምምሕያሽን ንመንእሰይ ወለዶ እቲ መወዳደሪ ዕዳጋ ማዕረ ክኸውን ንምግባርን’ዩ ይብል። ገለ ክኢላታት ግን ሃብቲ ከኻዕብቱ ንዝፍትኑን ናብ ዕዳጋ ኣባይቲ ንዝኣትዉን ዘይተደልዩ ሳዕቤናት ክህልዎም ይኽእል ይብሉ። ነዚ ዝምልከት ሓደ ትሕዝቶ ኣለና።
* ጀነራል ስብሓት ኤፍሬም ካብ ዝነበሮ ኩነታት ሓውዩ ምምላሱ፣ ወጥሪ ትግራይ ብዘተ ክውዳእ ውድብ ሕቡራት ሃገራትን ሕብረት ኣፍሪቃን ምጽውዖም፣ ኤርትራን ግብጽን ኣብ ወደብን መጓዓዝያ ባሕሪን ስምምዕ ምኽታመንን ቦርድ መረጻ ኢትዮጵያ ተወሳኺ 10 ቢሊዮን ብር በጀት ምሕታቱን ንሎሚ ንጽብጽቦም ዜናታት ኣለውና።
* ፕረዚደንት ዩናይትድ ስቴትስ ዶናልድ ትራምፕ “እቲ ዝዓበየ ዋዕላ” ኢሉ ንኢድዎ። ኣብ መላእ’ቲ ብዓቢኡ ናይ ክብሪ ዝነበረ ዋዕላ፣ ሚዛን ሓይሊ ኣብ መንጎ’ቶም ክልተ መራሕቲ ይቕየር ምህላዉ ዘርእዩ ገለ ምልክታት ኔሮም። ካብ’ቲ ዋዕላ ዝተመሃርናዮም እንታይ’ንታይ ኔሮም፧
* ኣብ [መወዳእታ] ኣብ መጻብቦ ሖርሙዝ መራኽብ ሕቡራት መንግስታት ኣሜሪካ ንመራኽብ ነዳዲ ኢራን ኣብ ሓደጋ ኣብ ዘእትዋሉ ዘለዋን ፕረዚደንት ትራምፕ ፍጹም ዓወት ኣብ ዝጠልበሉ ዘሎን ኣብ ቱሶን፣ ሕቡራት መንግስታት ኣሜሪካ፣ ግን ዝኾነ ነገር ከምዘይተፈጥረ ክመስል ንሃገራዊት ጋንታ ኩዕሶ እግሪ ኢራን ኢዶም ዘርጊሖም ክቕበሉዋ ይሸባሸቡ’ለዉ። ቱሶን ትገብሮ ዘላ ምድላው እንታይ ይመስል ክንምልከቶ ኢና።
