አርእስታት ዜና፡ ኣብ ኒው ዮርክ ዝርከብ መካነ እንስሳ ብሮንክስ ዝነብር ሓደ ነብሪ ብኮሮና ቫይረስ ከምተለኽፈ ተፈሊጡ። ኣብ ቪክቶሪያ 2 ተወሰኽቲ ሰባት ኣብ ምዕራብ ኣውስትራሊያ ሓደ ሽማግለ ድማ ብሕማም ኮሮናቫይረስ ሎሚ ሞይቶም ኣብ ኣውስትራሊያ በዚ ቫይረስ ዝሞቱ ሰባት 40 በጺሑ። ንክልተ ሰባት ብኻራ ዝቐተለ ተባሂሉ ሳልሳይ ተጠርጣሪ ብዜግነት ሱዳናዊ ዝኾነ ሰብ ከምዝሓዘ ናይ ፈረንሳይ ፖሊስ ኣፍሊጡ። ቀዳማይ ሚኒስተር ስኮት ሞሪሰን ኣብ ዝሓለፈ ዓሰርተ ዓመታት ካብዝተራእየ ንሓደ መራሒ ዝወሃብ ናይ ቅብሉነት ድምጺ ዝለዓለ ረኺቡ። ቻይናዊ ሃብታም ጃክ ማ ኣብ አፍሪቃ ንለበዳ ኮሮና ንምምካት ዝሕግዝ ካልኣይ ዙርያ ሓገዝ ከምዝሰደደ ኣፍሊጡ።
Share
