ኣብ ሓሽፈራይ ተኣሲሮም ካብ ዝጸንሑ ተወላዶ ኳዜን ዞባ ማእከል ዝበዝሑ ከምተፈትሑ ሓበሬታ ተረኺቡ። (ካብ ዜናታት)

ቀንዲ ነጥቢታት ዜና፡ ** ኣብ ክፍለግዝኣታት ዘሎ ለበዳ ኮሮና ቫይረስ በዚ ዘለዎ ትሑት መጠን እንተቐጺሉ፡ ኣውስትራሊያ ኣብ ዉሽጢ ሓድሕድ ዶባት ግዝኣታት ቅድሚ ክሪስማስ ክኽፈት ተኽእሎ ከምዘሎ ተገሊጹ። ** መንግስቲ ኤርትራ ንሕብረት ኤውሮጳን ሽወደንን ዝፈሸለ ሸርሕታትን ከቐጽላ ይጽዕራ አለዋ ክብል ከሲሱ። ክልል ትግራይ ተቛዳሲት እቲ ኣብ ዞባ ቀርኒ ኣፍሪቃ ተጀሚሩ ኣሎ ዝበሎ ምዕባለ ተቛዳሲት ከይትኸውን ብህወሓት ጅሆ ተታሒዛ ኣላ ኢሉ። ** ፕሪሜር ኲንስላንድ Palaszczuk ኣብ ኣውስትራሊያ ንፈለማ እዋን ንሳልሳይ እዋን ትምረጽ ዘላ ኣንስተይቲ ብምዃን ታሪኽ ሰሪሓ። ** ቪክቶሪያ ንሰለስተ ተኸታታሊ መዓልታት ብኮሮና ቫይረስ ዝተለኽፈን ዝሞተን ኣየመዝገበትን።

Source: SBS