ኤርትራዊት ራሄል ዳንኤል ክልተ ዓበይቲ ዓወታት ኣብ ጉያ እግሪ መሮር ኣመዝጊባ፣ ኢትዮጵያዊት ጥሩነሽ ዲባባ ድሕሪ ዓመታት ናብ ውድድር ትምለስ

ሰሙናዊ መደብ ስፖርት * ኤርትራዊት ኣትሌት ራሄል ዳንኤል ዝሓለፈ ሰሙን ክልተ ዓበይቲ ዓወታት ኣብ ጉያ እግሪ መሮር ከተመዝግብ እንከላ ኢትዮጵያዊ ሰሎሞን ባሬጋ ኸኣ ኣብ ተመሳሳሊ ውድድር ሰንበት ተዓዊቱ፣ * ሓንቲ ካብ’ቶም ኣዝዮም ዕዉታት ኣትሌታት ኣብ ዓለም ዝኾነት ጥሩነሽ ዲባባ ኣርባዕተ ዓመታት ካብ ውድድር ተኣልያ ድሕሪ ምጽናሕ ከተማ ህዩስተን፣ ቴክሳስ፣ ተመሊሳ ክትወዳደር ምዃና ተፈሊጡ፣ * ኣብ ናይ’ዚ ዓመት ዙር ፈረንሳ 2023 ስም ተሳተፍቲ ጋንታታት ቅድድም ብሽግለታ ኣዳለውቲ’ቲ ቅድድም ኣፍሊጦም፣ ኤርትራዊ ቢንያም ግርማይን ኢትዮጵያዊ ጽጋቡ ግርማይን ክሳብ ሕጂ ተሳተፍቲ ምዃኖም ዝተረጋገጹ ተቐዳደምቲ ዞባና ኮይኖም ኣለዉ፣ * ሴካፋ ንፕረዚደንት ፈደረሽን ኩዕሶ እግሪ ታንዛንያ ዋላስ ካሪያ ፕረዚደንት ኮይኑ ክቕጽል ደጊሙ ክመርጾ’ንከሎ ፕረዚደንት ፈደረሽን ኩዕሶ እግሪ ኢትዮጵያ ኢሳይያስ ጂራ ምክትል ኮይኑ ተመሪጹ፣

Credit: Athletics News