ቢንያም ግርማይ ኣብ ዙር ስዊስ መድረኻዊ ዓወት ኣመዝጊቡ፣ ዙር ስዊስን ቅድድም ብሽግለታን ግን ብሞት ሓደ ተቐዳዳማይ ኣብ ሓዘን ኣትዩ፣

ሰሙናዊ መደብ ስፖርት (19/06/2023) * ቢንያም ግርማይ ዝሓለፈ ሰሙን ኣብ ቅድድም ብሽግለታ ዙር ስዊዘርላንድ መድረኻዊ ዓወት ኣመዝጊቡ፣ ብምኽንያት ሞት ሓደ ስዊዘርላንዳዊ ተቐዳዳማይ ግን ንሱን ጋንትኡን ኣብ’ተን ተሪፈን ዝነበራ ናይ መወዳእታ ክልተ ዙራት ካብ’ቲ ውራይ ኣንሳሒቦም፣ * ዮሚፍ ከጀልቻ ኣብ ውድድር 5000 ሜ ብሉጽ ውልቃዊ፣ ክብረወሰን ርክባትን ኣብ ዓለም መሪሕ ዝኾነን ግዜ ብምምዝጋብ ኣብ ኦስሎ ተዓዊቱ፣ * ኢትዮጵያ ሓምሻይ ዙር መጻረዪ ግጥማ ንዋንጫ ሃገራት ኣፍሪቃ ኣይቮሪኮስት 2023 ሰሉስ ኣንጻር ማላዊ ከተካይድ’ያ፣ ናይጀርያ ኸኣ ብሓገዝ ቪክቶር ኦሲመንን ከለቺ ኢህያናቾን ኣብ’ዚ ሰሙን ምሕላፋ ዘረጋገጸት ሃገር ኮይና፣

Credit: UCI/David Lappartient