ጉዳፍ ጸጋይን መዲና አይሳን ኣብ ለንደን ተዓዊተን፣ ታደይ ፖጋቻር ንዙር ፈረንሳ ይዕብልሎ፣

ሰሙናዊ መደብ ስፖርት (21/07/2025) * ኢትዮጵያዊት ጉዳፍ ጸጋይ ኣብ ለንደን ውድድራት ኣልማዛዊ ሊግ ኣብ ውድድር ሓደ ማይል መሪሕ ዝኾነ ግዜ ብምምዝጋብ ክትዕወት’ንከላ መዲና አይሳ ኣብ ውድድር 5000 ሜ ተዓዊታ፣ * ቅድድም ብሽግለታ ዙር ፈረንሳ ስሎቨንያዊ ታደይ ፖጋቻር ክልተ ተወሰኽቲ መድረኻዊ ዓወታት ኣመዝጊቡ መሪሕነቱ ድሕሪ ምድልዳሉ ካልኣይ ሰሙኑ ኣጠናቒቑ፣ ቢንያም ግርማይ ኣብ ምድብ ንነጥቢ ወይ ቀጠልያ ማልያ ራብዓይ ኮይኑ ተሳትፎኡ ይቕጽል ኣሎ፣ * ወናኒት ክብረወሰን ዓለም ውድድር ማራቶን ኬንያዊት ሩት ቸፕንገቲች ብምኽንያት ምውሳድ ብቕዓት ዘደንፍዑ ንጥረነገራት ወይ ዶፒንግ ብኣትለቲክስ ዓለም እገዳ ተነቢሩላ፣ * ፈደረሽን ኩዕሶ እግሪ ኢትዮጵያ ካብ ዝመጽእ ወቕቲ ኩዕሶ እግሪ ብሄራዊ/ብሄረሰባዊ ኣስማትን ፖለቲካዊ ትሕዝቶ ዘለዎም ኣርማታትን ዘለወን ጋንታታት ኣይክሳተፋን’የን ክብል ሓድሽ መምርሒ ኣውጺኡ፣