ኣህጉራዊ ቤት ፍርዲ ገበን ብዛዕባ ጅምላዊ ቅትለት ዳርፉር ኣብ ናይ ፈለማ ብይኑ ኣሕሊፉ።

ኣህጉራዊ ቤት ፍርዲ ገበን ፡ ንሱዳናዊ ኣዛዚ ሚሊሻ ዓሊ ሙሓመድ ዓሊ ዓብድ-ራሕማን ፡ ቅድሚ 20 ዓመት ኣብ ዳርፉር ብዝተፈጸመ ገበናት ኲናትን ገበናት ኣንጻር ሰብኣውነትን ገበነኛ ከምዝኾነ ኣረጋጊጹ ። ነቲ ኣብ ግጭት ዳርፉር ዘጋጠመ ኣስታት 300,000 ሰባት ዝቐተለን ብግምት ካብ 2.7 ሚልዮን ሰባት መዛበለን ግፍዒ ፡ ናይ ፈለማ ብይን ኣህጉራዊ ቤት ፍርዲ ገበን እዩ ። ሙሳብ ሓሰን ዝበሃል ካብዚ ጃምላዊ ቅትለት ዝደሓነ ሰብኣይ: እቲ ብይን ንኹሎም ገበነኛታት ኣብ ፍትሒ ቀሪቦም ንህዝቡ ተስፋ ከም ዝህብ ገለጸ ።

ክሱስ ዓሊ ሙሓመድ ዓሊ ዓብድ-ራሕማን ፡ ኣብ ሱዳን ዞባ ዳርፉር ፈጺምዎ ዝተባህለ ብ 31 ገበናት ውግእን ገበናት ኣንጻር ሰብኣውነትን ዝተጠርጠረ ሰብ ፡ ኣብ ዘ ሄግ ኣብ ዝርከብ ኣህጉራዊ ቤት ፍርዲ ገበን (ICC) ኣብ መጋባእያ ኣብ ዘቕረበሉ እዋን፡2025. EPA/Piroschka van de Wouw / POOL Credit: PIROSCHKA VAN DE WOUW / POOL/EPA

Check out our podcast collection here