پاکستان سپر لیگ کے فائنل کے لیے ملتان سلطانز نے کوالیفائی کر لیا۔ ملتان سلطانز نے پہلے کوالیفائر میں پشاور زلمی کو سات وکٹوں سے شکست دی ۔پشاور زلمی نے پہلے بیٹنگ کرتے ہوئے سات وکٹوں کے نقصان پر 146 رنز بنائے کپتان بابراعظم 46 رنز کے ساتھ رونما رہے جبکہ کرس جارڈن اور اسامہ میر نے دو دو وکٹیں حاصل کیں۔
فائنل مقابلے میں جگہ بنانے والی ٹیم ملتان سلطانز نے 147 رنز کا ہدف 19 ویں اوور میں تین وکٹوں کے نقصان پر حاصل کیا ۔ملتان سلطانز کی جانب سے یاسر خان نے54 رنز بنائے جبکہ بیٹر عثمان خان 36 اور افتخار احمد 22 رنز بنا کر ناقابل شکست رہے۔
پشاور زلمی کے ہیڈ کوچ ڈیرن سیمی نے بتایا کہ ان کی ٹیم نے اس وکٹ پر بیس رنز کم بنائے اگر ہدف 165 کے قریب ہوتا تو رزلٹ مختلف ہونا تھا بابراعظم کے حوالے سے انہوں نے کہا کہ وہ کوالٹی کھلاڑی ہیں اور روزبروز اپنی گیم میں بہتری لارہے ہیں ڈیرن سیمی نے پاکستان ٹیم کا ہیڈ کوچ بننے کی اطلاعات کی بھی تردید کی ہے۔
ادھر ملتان سلطانز کے اسپنر اسامہ میر کہتے ہیں کہ اپنا باؤلنگ ایکشن تبدیل کرنے سے نقصان ہوا جس کی وجہ سے انٹرنیشنل کرکٹ میں اچھا پرفارم نہیں کر پایا اور مجھے اس کا بہت افسوس ہے اپنے پرانے اسٹائل سے دوبارہ باؤلنگ کا آغاز کر دیا ہے اگر ٹی ٹونٹی ورلڈ کپ میں موقع ملا تو فینز کو مایوس نہیں کروں گا۔
Multan Sultans' Usman Khan plays a shot during the Pakistan Super League (PSL) Qualifier Twenty20 cricket match between Multan Sultans and Peshawar Zalmi at the National Stadium in Karachi on March 14, 2024. (Photo by Asif HASSAN / AFP) (Photo by ASIF HASSAN/AFP via Getty Images) Source: AFP / ASIF HASSAN/AFP via Getty Images
فاسٹ بولرز کے والد ظفر شاہ کا کہنا ہے کہ اپنے تینوں بیٹوں کو پاکستان کی طرف سے کھیلتے ہوئے دیکھوں گا تو بہت فخر محسوس کروں گا اور وہ پورے پاکستان کا فخر ہیں اور پاکستان کا نام روشن کریں گے تینوں ہی بہت محنت کر رہے ہیں۔
پاکستان میں کرکٹ کا بہت جنون ہے تو ہم بھی خوش ہیں کہ یہ عوام کو انٹرٹینمنٹ دے رہے ہیں سب سے زیادہ جنون نسیم شاہ میں ہے باقی دونوں اس کو دیکھ کر کرکٹ میں آئے ہیں سارے بچے میرے لاڈلے ہیں لیکن چھوٹا سب سے لاڈلا ہے نسیم نے کہا مجھے تین چار سال دے دیں، میں ابھی محنت کر رہا ہوں ابھی شادی کا کوئی ارادہ نہیں ہے۔
MANCHESTER, ENGLAND - AUGUST 03: Nasim Shah of Pakistan looks on during a Pakistan Nets Session at Emirates Old Trafford on August 03, 2020 in Manchester, England. (Photo by Gareth Copley/Getty Images) Credit: Gareth Copley/Getty Images
رانا مجاہد کا گفتگو کرتے ہوئے کہنا تھا کہ میں پاکستان ہاکی فیڈریشن کا آئینی طور پر منتخب سیکرٹری ہوں مجھے صدر پی ایچ ایف کی مکمل حمایت حاصل ہے طارق بگٹی ہمارے صدر ہیں وزیر اعظم نے انہیں نامزد کیا ہے۔
بلال قریشی، پلیئر آف دی میچ نے 6-130 کے مجموعی اسکور میں ناقابل شکست 62 رنز بنائے، اس سے پہلے کہ پاکستان کے گیند بازوں نے گزشتہ تین ایڈیشنز کی فاتح ٹیم، بھارت کو جواب میں 9-116 تک محدود رکھا۔
(رپورٹ: انس سعید)
