اسٹوڈنٹ بریانی ریسٹورانٹ پر جرمانے کا معاملہ – حقیقت کیا ہے؟

آسٹریلیا میں پاکستانی کھانے کے ریسٹورانٹ اسٹوڈنٹ بریانی پر نیو ساوتھ ویلز فوڈ اتھارٹی نے حکومتی قوانین پرعملدرامد نہ کرنے پر جرمانہ عائد کیا ہے۔

Student Biryani restaurant in Auburn, Sydney. Source: SBS

این ایس ڈبلیو فوڈ اتھارٹی کے پینلٹی نوٹس کے مطابق  اسٹوڈنٹ بریانی کے اوبرن سبرب ریسٹورانٹ میں کھانے کے درجہ حرارت کو قوانین کے مطابق برقرار نہ رکھنے کی وجہ سے آٹھ سو اسی ڈالر کا جرمانہ لگایا گیا ہے۔

اسٹوڈنٹ بریانی کے مالک حاجی محمد جاوید کا ایس بی ایس اردو سے گفتگو میں کہنا ہے کہ انہوں نے جرمانہ ادا کردیا ہے اور نیو ساوتھ ویلز فوڈ اتھارٹی  کی

جانب سے احکامات پر عملدرامد کرتے ہوئی درجہ حرارت کو برقرار رکھنے والے آلے کو بھی بدل دیا ہے۔

---

 

اسٹوڈنٹ بریانی کے مالک حاجی محمد جاوید کا ایس بی ایس اردو سے مکمل انٹرویو سننے کے لئے اوپر دیا گیا اسپیکر بٹن کلک کریں۔

---

محمد جاوید کا کہنا ہے کہ فوڈ اتھارٹی کے نمائندے کی جانچ پڑتال کے دوران  بین میری [جس کے ذریعے کھانے کو گرم رکھا جاتا ہے] کے درجہ حرارت کا آلہ کام نہیں کررہا تھا، جس کی وجہ سے جرمانہ لگا۔

"جب نمائندے نے آلے کو چیک کیا تو وہ اس وقت کام نہیں کررہا تھا۔"

اسٹونڈنٹ بریانی کے مالک کا کہنا ہے کہ ان کا عملا اور ریسٹورانٹ تمام آسٹریلوی قوانین پرعمل کرتے ہیں۔

ہم قوانین کا احترام کرتے ہیں اور ان پرعمل کرتے ہیں۔

دوسری جانب محمد جاوید کا کہنا تھا کہ کھانے سے متعلق کوئی بھی شکایت سامنے نہیں آئی ہے۔

" ہمارے پورے عملے کو فوڈ اینڈ ہائی جین [ کھانے اور صفائی] کی مکمل ٹریننگ دی جاتی ہے۔ میرے پاس خود فوڈ اینڈ سیفٹی کا سرٹیفیکیٹ ہے۔"

نیو ساوتھ ویلز فوڈ اتھارٹی ریاست میں کھانے پینے کے ریسٹورانٹ اور کیفے یا کھانے سے منسلک کاروبار کے قوانین کی عملداری کراتا ہے اور اس سلسلے میں اس کی معاونت مقامی کونسل کرتے ہیں۔