آسٹریلیا نے یوکرین کے ساتھ ایک نئے 10 سالہ سیکیورٹی معاہدے پر دستخط کیے ہیں اور مزید 60 ملین ڈالر کی امداد کا وعدہ کیا ہے۔ وزیر اعظم انتھونی البانی نے نیویارک میں یوکرین کے صدر ولادیمیر زیلنسکی سے ملاقات کی، دونوں رہنماؤں نے اقوام متحدہ کی جنرل اسمبلی کے دوران معاہدے پر دستخط کیے تھے۔ صدر زیلنسکی نے آسٹریلیا کی حمایت پر شکریہ ادا کیا۔
وزیر اعظم اینتھونی البنیزی نے نیو یارک میں اقوام متحدہ کی جنرل اسمبلی سے خطاب کرتے ہوئے آسٹریلیا کی 2029-30 میں اقوام متحدہ کی سیکیورٹی کونسل میں نشست کے لیے باضابطہ کوشش کا آغاز کیا ہے۔
وزیر اعظم کے ایجنڈے میں موسمیاتی تبدیلی، ابھرتی ہوئی ٹیکنالوجی اور "اعتماد اور خوش اخلاقی" کی خرابی اہم موضوعات تھے۔
انہوں نے کہا کہ مصنوعی ذہانت "بے حد تیز رفتاری" سے ترقی کر رہی ہے
مسٹر البنیز نے یوکرین کی خودمختاری کے لیے احترام کا اعادہ کیا، جبکہ اسرائیلی فلسطینی تنازعے کے حل کے لئے دو ریاستی حل کی اپیل کی۔
ان کا کہنا ہے کہ مشرق وسطیٰ میں وسیع پیمانے پر تنازعے کا عالمی معیشت پر "تباہ کن اثر" پڑا ہے۔
مسٹر البنیز کا کہنا ہے کہ آسٹریلیا کثیرالجہتی کو ترک کرنے پر یقین نہیں رکھتا بلکہ اسے عالمی چیلنجوں سے نمٹنے کے لئے اصلاحات کرنے کی طرف لے جانا چاہتا ہے۔
______________
ہر بدھ اور جمعہ کا پورا پروگرام اس لنک پرسنئے , اردو پرگرام سننے کے دیگر طریقے SBS Audio کے نام سے موجود ہماری موبائیل ایپ ایپل (آئی فون) یا اینڈرائیڈ , ڈیوائیسزپرانسٹال کیجئے۔ پوڈکاسٹ سننے کے لئے نیچے دئے اپنے پسندیدہ پوڈ کاسٹ پلیٹ فارم کا انتخاب کیجئے: Spotify Podcast , Apple Podcasts
شئیر
