"ጥሩ ተከታይ ሳይኖር ጥሩ መሪ ይኖራል ብሎ ማሰብ የማይመስል ነገር ነው፤ ጥሩ ተከታይን ማፍራትም የመሪው ተግባር ነው" ዶ/ር ታደሰ ብሩ

ምልሰታዊ ምልከታ፤ ዶ/ር ታደሰ ብሩ በሎንዶን ሜትሮፖሊታን ዩኒቨርሲቲ መምህርና ተመራማሪ፤ ስለ የታላቅ መሪ ክህሎት፣ ጥሩ ተከታይነት ሚናና የአመራር መመዘኛዎችን አንስተው ያስረዳሉ።

Conceptual illustration of a leader pointing direction, with a large group of people walking purposefully behind the leader, set against a bright brown background. The image symbolises leadership, vision, teamwork, and coordinated progress, emphasising themes of strategic guidance, collective ambition, goal-oriented movement, and the influence of direction in achieving success (L), and Dr Tadesse Biru (R). Credit: Getty Images / PD

ለታላቅ መሪ የሚያስፈልጉ አምስት ነገሮች

1. ርዕይ (Vision) - ትልቅ ሕልም፣ ትልቅ ዓላማ ያለው መሆን። የሚደርስበትን ቦታ የሚያውቅ።
2. ለዓላማው ያለው ፍቅር (Passion) - ሕይወቱን ሳይቀር ሊሰዋለት የሚፈልግለት ዓላማ ያለው መሆን።
3. ከፍተኛ የማደራጀት ችሎታ (ከሰዎች ጋር የመሥራት ችሎታ)
4. ውሳኔ የመስጠት ችሎታ (ለእራስም ቅር የሚያሰኝ ውሳኔን ለድርጅት፣ ለዓላማ ሲባል መወሰን። ኅሊና እየተጨነቀ የሚወሰን ውሳኔን ወዳጅ ላይ፣ በእራስም ደህንነት ላይ የሚወሰኑ ውሳኔዎችን የመወሰን ቆራጥነት)
5. ማሳመን (የማዳመጥ፣ የማስረዳት፣ በማሳመን የሰዎችን አመለካከት ተፅዕኖ አሳድሮ የመቀየር ችሎት)

የመሪነት አምስት ደረጃዎች

1. ጥሩ ሰው መሆን (ጥሩ ዓላማ፣ ቅንና ችሎታ ያለው ሰው መሆን። ለሀገር፣ ለትውልድ፣ ለእራስ በጎ አሳቢ መሆን፤ ለዚህም ዋጋ መክፈል።)
2. በቡድን መሥራት መቻል (ከሰው ጋር መሥራት የማይችል ሰው መሪ መሆን አይችልም። ከትግል አጋሮቹ ጋር ተባብሮ መሥራት መቻል።)
3. ማስተባበር መቻል
4. ተግባራዊነት
5. ውጤታማነት

   መድረሻውን ማሳየት የሚችል መሪ ነው ጉልበት ያለው። መሪ ተስፋውን ማጋራት፣ ተከታዮቹም እንዲታያቸው ማድረግ አለበት። መሪ ከርዕዩ ሌላ የሚሰጠው ነገር የለውም።

   ዶ/ር ታደሰ ብሩ

ብዙ ሰው መሪ መሆን ይፈልጋል። ጥቂት ሰዎች ናቸው ተከታይ ለመሆን የተዘጋጁት፤ ነገር ግን መሆን የነበረበት ብዙ ሰው ጥሩ ተከታይ ለመሆን ፈቃደኛ መሆን ነበረበት። ተከታይ ሳይኮን መሪ መሆን አይቻልም።

ዶ/ር ታደሰ ብሩ

የጥሩ ተከታይ መመዘኛዎች

• ድርጅታቸው የቆመለትን ዓላማ የሚያስቀድሙ
• ለዓላማው ዋጋ ለመስጠት የቆረጡና ቀድመው ማየት የሚችሉ
• አስተዋፅዖ ለማድረግ የተዘጋጁ
• መሪውን ለማስደሰት ሳይሆን ለዓላማቸው የሚሠሩ
• ኃላፊነት ቢሰጣቸው ሊወስዱ የሚችሉ