Coming Up Mon 10:00 PM  AEDT
Coming Up Live in 
Live
Amharic radio
ኤስ.ቢ.ኤስ አማርኛ

"ምርጫው እንከን የሌለው ባይሆንም የተሻለ ሰላማዊነት የታየበትና የፓርቲዎች ውድድርም የተስተዋለበት ነው" - አቶ አበራ ኃይለማሪያም

Abera Hailemariam, Acting President of CECOE. Source: SBS Amharic/Demeke Kebede

አቶ አበራ ኃይለማሪያም - የኢትዮጵያ የሲቪል ማህበራት ድርጅቶች ሕብረት ለምርጫ (CECOE) ተጠባባቂ ዳይሬክተር፤ የኅብረቱን ዋነኛ የታዛቢ ምልከታ ግኝቶች አስመልክተው ለSBS አማርኛ የአገር ቤት ዘጋቢ ደመቀ ከበደ አብራርተዋል።

በስድስተኛው አገራዊና ክልላዊ ምርጫ የሲቪል ማህበራትን ተሳታፊነት ለማረጋገጥ እንዲያስችል 176 ማህበራት በጋራ በመሆን የኢትዮጵያ ሲቪል ማህበራት ሕብረት ለምርጫ የተሰኘ ድርጅትን መስርተው ሲንቀሳቀሱ ቆይተዋል።

ኅብረቱ ገለልተኛ እና ከፓርቲ ፖለቲካ ነፃ የሆነ ድርጅት ሲሆን ምርጫው አካታችና ግልፅነት የተሞላበት መሆኑን ለማረጋገጥ የሚሰራ ድርጅት ነው። ዛሬ በጎልደን ቱሊፕ ሆቴል በሰኔ 14፣ 2013 በተካሄደው ምርጫ ላይ  ህብረቱ በሰበሰበው መረጃ ላይ የተመሰረተ ቅድመ ግኝትን አስመልክቶ መግለጫ ሰጥቷል።

በመግለጫው በምርጫ ቀን ለረጅም ሰዓታት በሰልፍ ላይ በመቆየት ድምፃቸውን የሰጡ ዜጎችን፣ የምርጫ ቦርድን፣ የፖለቲካ ፓርቲዎች እና እጩዎቻቸውን፣ የፀጥታ ሀይሎችን እንዲሁም በምርጫው ሂደት ላይ የተሳተፉ የተለያዩ ባለድርሻ አካላትን አድንቋል።

ኅብረቱ የኢትዮጵያ ብሄራዊ ምርጫ ቦርድ የሕዝብ ተወካዮች ምክር ቤት እና የክልል ምክር ቤቶች ምርጫ ባካሄደባቸው ሰባት ክልሎች እና ሁለት የከተማ አስተዳደሮች፤ ከ3000 በላይ የሚሆኑ ቋሚ እና ተንቀሳቃሽ ታዛቢዎችን እንዳሰለጠነ የገለፀው ህብረቱ  ቋሚ ታዛቢዎች የታዘቧቸውን መረጃዎች በአዲስ አበባ ወደሚገኘው የሕብረቱ የመረጃ ማዕከል በጽሁፍ መልዕክት የላኩ ሲሆን፤ ተንቀሳቃሽ ታዛቢዎች ደግሞ በሚኖሩበት አካባቢ ያሉ ከምርጫ ጋር የተገናኙ ሂደቶችን እንዲሁም የድምፅ አሰጣጥ ሂደትን ከአንድ ምርጫ ጣቢያ ወደሌላ በመዘዋወር መታዘባቸውን አብራርቷል።

ታዛቢዎቹ የምርጫ ጣቢያዎችን ዝግጅት፣ አከፋፈት፣ የድምፅ አሰጣጥ እና ቆጠራ እንዲሁም የድምፅ ቆጠራ ውጤት በሚለጠፍበት ጊዜ የነበሩ ሁኔታዎችን እንደታዘቡ አመልክቷል። ከቋሚ ታዛቢዎች በተጨማሪ ከ150 በላይ ተንቀሳቃሽ ታዛቢዎችን በማሰማራት በተንቀሳቀሱባቸው አካባቢዎች የተከሰቱ አሳሳቢ ኩነቶችን ለመረጃ ማዕከሉ እንዲልኩ እንዳስደረገና ከዚህም በመነሳት የህብረቱ የመጀመሪያ ደረጃ ሪፖርት ከምርጫ አሠራር ጋር ተያያዥነት ያላቸውን የምርጫ ምልከታ ግኝቶች ዋና ዋና ነጥቦች ዛሬ ይፋ አድርጓል።

Coming up next

# TITLE RELEASED TIME MORE
"ምርጫው እንከን የሌለው ባይሆንም የተሻለ ሰላማዊነት የታየበትና የፓርቲዎች ውድድርም የተስተዋለበት ነው" - አቶ አበራ ኃይለማሪያም 24/06/2021 04:39 ...
"መልካም የመውሊድ በዓል" ሼህ አብዱራህማን ሐጂ ከቢር 17/10/2021 08:05 ...
የዓለም አቀፉን ማኅበረሰብ ጫና ለመቋቋም ኢትዮጵያ አዲስ የውጪ ፖሊሲ ቀረፃና ፕሮፌሽናል ዲፕሎማሲያዊ ጥረቶች ያሻታልን? 17/10/2021 08:51 ...
ለትግራይ ግጭት አማራጭ መፍትሔው ምንድነው? 17/10/2021 16:34 ...
የአዲሱ የኢትዮጵያ መንግሥት አዲስ ምዕራፍ ርዕይ የሚያመራው ወዴት ነው? 17/10/2021 11:57 ...
ቋሚ ነዋሪዎችና ዜጎች ከአውስትራሊያ ወደ ባሕር ማዶ መጓዝና መመለስ እንዲችሉ ተፈቀደ 15/10/2021 05:33 ...
የኮሮናቫይረስ ስቃይና የቤተሰብ የመንፈስ ጭንቀት በኮቪድ-19 ተጠቂ ደረጀ ጎልማሜ አንደበት 15/10/2021 11:10 ...
"ደንበኞቻችን በሰላም እንዲመጡልን እየጠበቅን ነው፤ በደስታ ለማስተናገድ ተዘጋጅተናል" በሲድኒ የኢትዮጵያ ምግብ ቤት ባለቤቶች 15/10/2021 04:46 ...
የራያ ማንነት መፍትሔ ማን ዘንድ ነው? 15/10/2021 06:19 ...
የራያ ማንነት መገለጫ ምንድን ነው? 14/10/2021 15:52 ...
View More