Olgeta blong Niue long Ostrelia oli onarem ol ANZAC blong olgeta

Ol ANZAC soldia blong Niue we pablik i bin fogetem olgeta. Ol famli blem i stap rimembarem stori blong ol 150 volontia blong aelan ia, we oli bin ko long Wol Wo Wan.

Ol niufala soldia blong ANZAC blong Niue i stap redi long Oklan blong ko long Westen Fran blong wo long 1915. Credit: Auckland Public Libraries

Long 1915 long taem we wo i stap, ol ANZAC oli bin lusum plante soldia long ol hil blong Galipoli.

Niu Zilan i bin luk long ol koloni blong olgeta long Pasifik blong helpem faenem moa man blong riplesem ol ded mo karekil. Oli bin akseptem wan ofa blong Niue blong sendem ol man blong helpem faetem wo ia.

Olgeta 150 fala ia i bin lego ol haos mo famli blong olgeta long Niue, blong joenem ol Rarotonga mo Maori soldia blong wok afsaed mo spedemaot bigfala hol long kraon.

Mi no tingse yumi save andastanem stret wanem ia ol samting we oli bin eksperiensem.

Mohelagi Tutoka

Be plante fala we i bin kambak afta taem we wo i finis oli lus from rabis sik mo kof long taem we oli stap bakagen long haos blong olgeta.