Tufala hiro blong seken haf ia Harry Kane mo Youri Tielemans i bin helpem Inglan mo Beljiam blong ko long Raon blong Sikstin, mo tu Merika i bin mekem long raon ia long wan sef fasin afta oli bin winim Bosnia mo Hesegovina.
Dei Twantewan blong FIFA Wol Kap i bin stat long Atlanta we Inglan i bin kambak blong winim Demokratik Ripablik blong Kongo wetem sko Tu-Wan afta Kongo i bin sko fes gol blong gem ia long namba seven minit.
Long Siatel, Beljiam i bin mekem wan stron kambak blong winim Senegal wetem sko Tri-Tu, kapten Youri Tielemans i bin sko tu taem.
Merika tu i bin kasem Raon blong Sikstin afta oli bin winim Bosnia mo Hesegovina wetem wan sko Tu-Siro, hemia festaem blong winim wan nokaot gem blong olgeta afta oli bin mekem long 2002.
Sokaru i bin tren festaem long Dalas bifo oli save pleiplei long nekis gem blong olgeta, wan Raon blong Tetitu maj wetem Ijip.
Long Fraede, dei twante tu blong FIFA Wol Kap, bae Spen i save fesem Ostria, Potugal i fesem Kroesia mo Switselan i mitim Algeria.
Lukaot long evri kem blong FIFA Wol Kap 2026 laef mo fri long SBS mo SBS on Demand.
