Musik: Wan Bridge weh eii Konektem Tu Kalja

Long Vanuatu, musik hemi wan bigfala pat blong laef blong yumi, hemi part blong kaljarol identity blong yumi mo hemi still playem wan bigfala rol tu long evri dei laef blong yumi, either long haos, long ol community gathering, ol jioj events mo any narafala event bakeken, ol lokol music blong yumi, olsem stringband oli stap blong konektem yumi.

Ol memba blong Colac lokol stringband long wan gig

Naoia weh planteh long ol man mo woman Vanuatu oli kam stap long Ostrelea, yumi saveh faenem eii hard blong adjas long wan niufala envaeronmen, kalja mo lanwis. Beh blong wan Bislama komuniti long Colac, Western District blong Victoria, Ostrelea, stringband musik hemi kam olsem wan bridge weh eii konektem olgeta wetem niufala komuniti weh oli kam stap long hem.

Mr. Emmanuel Buleru, wan spokesman blong grup ia eii talem seh Colac lokol Stringband hemi karem tugeta 12 memba evriwan mo oli kamaot long ol difren aelan blong Vanuatu.

Colac Lokol Stringband eii tekem part long wan festival long Colac, Victoria.

Mr. Buleru eii eii talem bigfala tankyu nao long wan lokol residen blong Colac, Mr. Jona Beale weh hemi playem wan bigfala rol blong faensensem mo provaedem moral sapot blong helpem lokol stringband grup ia stat long dei wan eii kam kasem tede.

Naoia Mr. Jonah Beale hemi stap olsem band manager blong grup, hemi seh hemi tinktink blong startem stringband grup ia hemi blong usum musik blong saveh keepim ol grup memba oli fokas long wok blong olgeta from oli stap longweh long ol famili blong olgeta long Vanuatu.

Wan band memba blong Colac Lokol Stringband wetem Ukalele

Mr. Emmanuel Buleru eii kontinu blong talem seh since band ia eii stat perform long Colac, eii lukim ol narafala Bislama komuniti tu long ol narafala area kolosap long Colac oli in terest blong startem ol stringband grup blong olgeta tu.

Long wan narafala storian tu, Mr. Jonah Beale hemi talem seh sins hemi meetim Bislama komuniti long Colac, hemi startem wan smol bisnis blong pem mo importem kava long Vanuatu eii kam long Ostreala, hemia from nomo seh hemi expose long kalja blong Vanuatu.

Colac lokol stringband part long parade long Colac, western Victoria

Mo naoia weh Bislama komuniti eii stap kontiniu blong gro long ol stets raon long Ostrelea, wetem ol kaen promosen hemi saveh inspirem mo upliftim olgeta man mo woman long ol difren komuniti araon long Ostrelea long ol yia weh eii stap kam yet. Mr. Brian Takasi, wan nara band memba eii talem tu seh, yumi ol man mo woman Vanuatu, yumi mas kontinu blong sharem kalja blong yumi taem yumi kam stap ovasi.