SBS Examines: San blong Pasifik i kam antap long Saot Merika

Olgeta blong Kosgad blong Merika i sakemaot ol bel blong koken blong wan smol sabmarin bot we oli bin karem ol drag ia long is solwota Pasifik.

Fasin blong mufmufum ol drag we i agensem loa, patnasip blong sam krup blong sam kantri mo tingting blong fri tred oli stap pulum ol kantri blong Pasifik mo Saot Merika i kam tugeta naoia.

Follow and Subscribe

Apple Podcasts YouTube Spotify Download (6.72MB)

Download the SBS Audio appAvailable on iOS and Android

Published 24 June 2026 11:42am

By Tavishek Sharma, Tuipoloa Evan Charlton

Presented by Tuipoloa Evan Charlton, Jarrod Landells

Source: SBS

Share this with family and friends

Fasin blong mufmufum ol drag we i agensem loa, patnasip blong sam krup blong sam kantri mo tingting blong fri tred oli stap pulum ol kantri blong Pasifik mo Saot Merika i kam tugeta naoia.

Mak blong hamas ol drag we i agensem loa we ol polis i bin save faenem long Pasifik i bin kam antap bigwan.

Hemia i wan samting we i bin kamaot from wan histri long samfala Pasifik kantri olsem se oli bin kam from wan ples blong karem ol drag i ko nomo be naoia ol kantri ia tu i save kat wan stronfala maket blong ol drag ia.

Mes ia i bin helpem blong statem wan niufala Spesel Investikesen Yunit, we olgeta blong Ostrelia mo Niu Zilan i bin pemaot hem mo hemi stap long Kolombia.

Be hemi no intenasonel kraem nomo we hemi leftemap koneksen ia bitwin long ol Pasifik kantri mo Saot Merika.

Merika ia i bin talemaot klia se oli ekspektem moa samting blong ol alai mo patna blong olgeta...oli ekspektem Ostrelia blong helpem moa long rijon ia

Anna Powles, Asosiet Profesa long Senta blong Difens mo Sekuriti Stadi long Massey University

Long 2021, wetem teritori blong olgeta we i stap long Polinesia, Rapa Nui, Jile i bin kam wan patna blong toktok wetem Pasifik Aelan Foram. Afta long taem we fo moa yia i bin pas oli bin holem Saot Pasifik Difens Minista Miting we oli bin inkludum olgeta ol representitiv blong Fiji, Papua Niu Kini mo Tonga. Ol importan samting blong toktok long saed blong i bin inkludem ol jalenj blong sekuriti we rijon ia i stap fesem mo tingting blong Jile blong holem wan samting blong ol ami blong olgeta long Rapa Nui.

Long Maj blong 2026 Ajentina i bin talemaot se oli kat wan interes blong kam wan patna blong toktok. Kavman blong naoia blong olgeta i stap folem wan stron tingting long fri tred mo oli stap long wan patnasip wetem Merika.

Be ol interes ia we i stap kam antap insaed long rijon ia blong ol kantri we long taem bifo oli no bin kat wan stronfala koneksen i stap mekem hat wok blong ol Pasifik kantri ia long saed blong mekem klia ol toktok ia. Ol kantri long Pasifik i mas folem rod long solwota ia bitwin long interes blong ol bigfala kantri mo ol samting we ol kantri ia i wantem mekem blong olgeta nomo.