Sapotem Pasifik Famili long Ostrelia

Ostrelian Nasonal parliament I pasem mo apruvum blong provaetem ol narafala sapot long olgeta we oli pasem mo karem Pacific Engagement Visa (PEV) mo olgeta tu we oli kam anda long Pacific Australia Labour Mobility (PALM) scheme.

Pasifik Sisonal Woka Credit: DevPolicy Blog, ANU.

Long wan joint press release Minister blong Foren Afea Honourable senator Penny wong mo minista blong Intanasonal Divelopmen mo Pasifik, Honourable Pat Conry tufala I talem se anda long niufala loa ia, bambae I luk olgeta we oli holem ol PEV visa mo PALM scheme visa bambae oli save kasem sam narafala sapot bakeken taem oli kam long Ostrelia, olsem:

• Gat raet long ol skul loan taem oli stadi
• Gat raet long ol famili tax benefit
• Gat raet mo aksesem Medicare
• Mo bae oli gat raet tu blong aksesem Child Care subsidy

Ol tinktink ia bae i gat gud benefit blong hem, bae ol niufala residents anda long Pacific Engagement Visa bambae oli save gat akses long ol World Class edukesen mo trening sistem long Ostrelia. Bae i no benefitim olgeta nomo beh ol famili mo ol wokples blong olgeta tu, mo bae i helpem region tu.

Minista blong Intanasonal Divelopmen mo Pasifik, Hon. Pat Conroy

Source: AAP

Visa ia bambae I helpem bigwan ol visa holder long Pasifik mo ol famili blong olgeta blong oli save help blong fulmap bigfala gap we I stap naoia long Ostrelia wok fos, hemia long rural mo ol part blong regional ol area long Ostrelia. Wetem niufala loa ia, Ostrelia I stap lukluk blong strengthenem pipol, kaljarol mo bisnis relationsip wetem ol pasifik aelan kantri.

Kavman blong Ostrelia i stap komitim hem wan blong bildim ap wan strong rilesensip wetem ol Pasifik aelan kantri mo Timor-Leste blong mekem sua se i gat Pasifik hemi gat Pis, Stabiliti mo i prosperous ol taem.

Minista blong Foren Affea, Senator Hon. Penny Wong

Foren Minista blong Ostrelia, Hon. Penny Wong Source: Getty

Wetem ol niufala jenis ia, I stap showem bakeken se Albanese Leba Kavman I stap lisen long ol Pasifik lida mo I stap wok long komitmen blong hem blong buidim ap wan peaceful, stable mo prosperous region wetem tinktink blong impruvum mo kivim janis mo opotuniti blong ol pasifik famili blong oli save migrate mo faenem wok long Ostrelia.

Pacific Engagement Visa (PEV) bae I lukim samples 3000 man mo woman long pasifik mo Timor-Leste bae oli save migrate olsem ol permanent residents evri yia.

Kavman blong Ostrelia I stap komitim hem wan tu blong alaoem wan longterm PALM scheme, hemia bae I luk ol wokman anda long scheme ia bambae oli kam wetem ol famili blong olgeta long Ostrelia, hemia bambae oli statem wetem wan pilot prokram blong karem 200 famili evriwan long nekis yia 2024.

Ol PALM Scheme wokman oli lego behaen ol famili mo komuniti blong olgeta mo kam stap mo wok long Ostrelia blong wan longfala period. Beh wetem niufala loa ia bae i mekem sua se bae oli gat akses long ol benefit we bae i helpem olgeta blong karem ol famili blong olgeta tu i kam, yumi recorgnisem impoten kontribiusen we oli kivim long ol impoten sekta mo ol regional komuniti araon long Ostrelia.

Minista blong Intanasonal Divelopmen mo Pasifik, Hon. Pat Conroy MP

Wan Ni-Vanuatu PALM scheme woka wetem Vanuatu Flag

Kavman blong Albanese I talem bigfala tankyu I go long olgeta we oli help blong pasem loa ia, beh I gat sam resistance I kam long ol Liberals mo Nationals we oli traem blong stopem tinktink ia long senate.

PEV mo PALM Scheme famili prokram ia bae oli statem long nekis yia, 2024. Blong mo infomesen yu save visitim websaet blong Pacific Engagement Visa program mo PALM scheme.