આંતરરાષ્ટ્રીય ફ્લાઇટમાં મહિલા પર કથિત જાતીય હુમલા બદલ ભારતીય નાગરિકની ધરપકડ

View Transcript

Man charged in WA over alleged sexual assault on international flight Source: AFP

SBS ગુજરાતી

View Podcast Series

Follow and Subscribe

Apple Podcasts YouTube Spotify Download (3.76MB)

Download the SBS Audio appAvailable on iOS and Android

ઓડિયો સાંભળવા ઉપર આપવામાં આવેલા પ્લે બટન પર ક્લિક કરો.

સિંગાપોરથી પર્થ જતી ફ્લાઇટમાં એક મહિલા માટે મુસાફરી ત્યારે દુઃસ્વપ્નમાં ફેરવાઈ ગઈ જ્યારે તેની બાજુમાં બેઠેલા ૫૨ વર્ષીય ભારતીય નાગરિકે કથિત રીતે તેની પર જાતીય હુમલો કર્યો. પીડિતાએ તરત જ એરલાઇન સ્ટાફની મદદ માંગતા, ક્રૂએ આરોપી પર નજર રાખી હતી અને વિમાન પર્થ એરપોર્ટ પર પહોંચતા જ ઓસ્ટ્રેલિયન ફેડરલ પોલીસે પ્લેનમાં પ્રવેશીને પૂછપરછ માટે આરોપીની અટકાયત કરી હતી

ગંગાજળ સાથે લાવનારી વ્યક્તિ સહિત ઘણા પ્રવાસીઓને ઓસ્ટ્રેલિયન એરપોર્ટ પર હજારો ડોલરનો દંડ

આરોગ્ય સંભાળમાં વધતી જતી આર્ટીફિશીયલ ઇન્ટેલિજન્સની ભૂમિકા

તમારી આગામી ભારત મુલાકાતમાં હવે તમે વધુ કિંમતનો સામાન લઇ જઈ શકશો

SBS Gujarati ના વધુ પોડકાસ્ટ સાંભળવા માટે, અમારા Podcast પેજને સબસ્ક્રાઇબ કરો.

SBS Gujarati નું જીવંત પ્રસારણ બુધવાર અને શુક્રવારે બપોરે 2 વાગ્યે SBS South Asian પર બપોરે 2 વાગ્યે ડિજિટલ રેડિયો પર, તમારા ટેલિવિઝન પર ચેનલ 305 પર, SBS Audio એપ્લિકેશન દ્વારા અથવા અમારી Website પરથી માણી શકો છો.

SBS South Asian YouTube ચેનલ પર, SBS Gujarati podcasts ને ફોલો કરો.

તમે SBS Spice પર અંગ્રેજી સહિત 10 ભાષાઓમાં કાર્યક્રમો માણી શકો છો.તે SBS On Demand પર પણ ઉપલબ્ધ છે.

Listen to SBS Gujarati every Wednesday and Friday at 2 pm

Transcript

આપ છો SBS ગુજરાતી સાથે. વિવિધ વિષય પર રસપ્રદ માહિતી મેળવો sbs.com.au/Gujarati પર.

ઓસ્ટ્રેલિયન ફેડરલ પોલીસ અને વેસ્ટર્ન ઓસ્ટ્રેલિયા પોલીસ ફોર્સની સંયુક્ત કાર્યવાહીનો એક અહેવાલ છે, જેમાં સિંગાપોરથી પર્થ જતી આંતરરાષ્ટ્રીય ફ્લાઇટમાં એક મહિલા મુસાફર પર કથિત જાતીય હુમલાની ગંભીર ઘટના બની છે. આ કેસમાં 52 વર્ષીય એક ભારતીય નાગરિકની ધરપકડ કરવામાં આવી છે અને તેના પર ગંભીર આરોપો લગાવવામાં આવ્યા છે. વિગતો જાણીએ આ અહેવાલમાં. 13 એપ્રિલ 2026ના રોજ સિંગાપોરથી પથ આવતી ફ્લાઇટમાં આ ઘટના બની હતી. જેમાં એવો આરોપ છે કે એક 52 વર્ષીય ભારતીય નાગરિકે પોતાની બાજુમાં બેઠેલી મહિલા મુસાફર સાથે તેની સંમતિ વિના જાતીય કૃત્યો કર્યા હતા.

ઘટના બાદ પીડિત મહિલાએ તાત્કાલિક એરલાઇન સ્ટાફની મદદ માંગી અને ત્યારબાદ તેને બીજી સીટ પર બેસાડવામાં આવી.

બાકીની ફ્લાઇટ દરમિયાન એરલાઇન સ્ટાફે તે વ્યક્તિ પર નજર રાખી અને ઓસ્ટ્રેલિયન ફેડરલ પોલીસને પણ આ અંગે જાણ કરવામાં આવી. વિમાન પર્થ એરપોર્ટ પર પહોંચતા જ AFP અધિકારીઓએ વિમાનમાં પ્રવેશીને પૂછપરછ માટે આરોપીને પ્લેનમાંથી બહાર કાઢ્યો. AFP અને વેસ્ટર્ન ઓસ્ટ્રેલિયા પોલીસની Sex Assault Squad સંયુક્ત રીતે આ કથિત ઘટનાની તપાસ કરી રહી છે.

આરોપીને 14 એપ્રિલ 2026ના રોજ પર્થ મેજિસ્ટ્રેટ કોર્ટમાં રજૂ કરવામાં આવ્યો. આ વ્યક્તિ પર કડક કલમો હેઠળ નીચે મુજબના આરોપો મૂકવામાં આવ્યા છે.

પહેલો આરોપ સંમતિ વિના જાતીય સંબંધ બાંધવા બદલ. આ ગુનો Crimes Aviation Act ની કલમ 15 એક અને Crimes Act 1900 ની કલમ 54 અંતર્ગત આવે છે, જેમાં મહત્તમ 12 વર્ષની કેદની સજા થઈ શકે. બીજો આરોપ સંમતિ વિના અશિષ્ટ વર્તન કરવાના ત્રણ ગુના. આ ગુનો પણ સમાન એવિયેશન કાયદા અને Crime Acts ની કલમ 60 હેઠળ નોંધાયો છે, જેમાં મહત્તમ સાત વર્ષની જેલની સજાની જોગવાઈ છે.

આ ઘટના અંગે AFPના કાર્યકારી અધિક્ષક પીટલ બ્રીન્ડલે જણાવ્યું છે કે વિમાન કે એરપોર્ટ પર કોઈપણ પ્રકારના ગુનાહિત વર્તન માટે AFP Zero Toleranceની નીતિ ધરાવે છે. તેમણે ઉમેર્યું કે દરેક મુસાફરને મુસાફરી કરતી વખતે સુરક્ષિત રહેવાનો અધિકાર છે. ખાસ કરીને જ્યારે તેઓ વિમાનમાં અન્ય મુસાફરોની નજીક સીમિત જગ્યામાં હોય. તેમણે મુસાફરોને પ્રોત્સાહિત કરતા ઉમેર્યું છે કે જો કોઈ અનિચ્છનીય ઘટનાનો સામનો કરે, તો સલામત રીતે શક્ય હોય તેટલી વહેલી તકે એરલાઇન સ્ટાફ, AFP અથવા એરપોર્ટ સુરક્ષાને જાણ કરવી જોઈએ. તેમણે સ્પષ્ટ કર્યું કે વિમાન અથવા એરપોર્ટ પર કોઈપણ અશિષ્ટ કૃત્ય સહન કરવામાં આવશે નહીં અને કાયદો તોડનારાઓ સામે ઝડપી કાર્યવાહી કરવામાં આવશે. AFPએ મુસાફરોને અપીલ કરી છે કે See it, Hear it and Report it. મુસાફરો દ્વારા આપવામાં આવતી માહિતી એરપોર્ટ પર કોઈપણ ખતરાને ઓળખવા અને અટકાવવા માટે મહત્વની સાબિત થઈ શકે છે. જો કોઈ વ્યક્તિ સુરક્ષા કેમેરા સ્ક્રીનીંગ કે એરપોર્ટની દિવાલોના ફોટા લેતું હોય, ચેકિંગથી બચવાનો પ્રયાસ કરતું હોય, બેગને રેઢી મૂકીને જતું હોય, કારણ વગર ફરતું હોય, પોતાની ઓળખ છુપાવતું હોય કે અસામાન્ય વર્તન કરતું હોય તો તમારે તેની જાણ કરવી જોઈએ. જો તમે આવું કંઈપણ જુઓ કે સાંભળો તો તરત જ Airport Watchને 131237 પર રિપોર્ટ કરો. SBS ગુજરાતી માટે આ અહેવાલ આપે સાંભળ્યો સુષેણ દેસાઈ પાસેથી.

Like, share, comment કરો. SBS ગુજરાતીને Facebook પર follow કરો.

END OF TRANSCRIPT