Coming Up Sun 11:00 AM  AEDT
Coming Up Live in 
Live
Hmong radio
SBS HMONG

Tej neeg Torres Strait Islander cov kev xyaum ua hauj lwm pab cawm tej neeg mob txoj sia

Paramedic Majella Filewood Source: SBS

Tej neeg keeb cag neeg Torres Strait Islander yeej muaj txoj kev cia siab tias yog thaum lawv tej neeg tau los xyaum thiab ua hauj lwm pab cawm tej neeg mob txoj sia ntau ntxiv tuaj ces yuav pab txhawb nqa lawv tej zejzog thiab pab kom lawv tej neeg tau hauj lwm ua thiab cia siab tias tom ntej lawv yuav tau los ua tej coj tswj tej chaw ua hauj lwm ambulance stations, xyaum thiab qhia lawv tej neeg thiab raws los ua tej coj uas npaj tej tswv yim tias yuav lis thiab tswj tej hauj lwm no li cas rau tom ntej.

Koj muaj peev xwm saib tau cov lus uas Majella Filewood uas yog ib tug poj niam neeg Torres Strait Islander tham txog nws cov kev xyaum los ua txoj hauj lwm pab cawm tej neeg mob txoj sia (Paramedics) tau ntawm no:

Koj muaj peev xwm koom ua tau ntau yam nrog Australia tej keeb cag neeg lub koom txoos NAIDOC Week (4-11 July).

Ib yam koj muaj peev xwm ua tau ces mus saib thiab kawm tej sob kawm txog Australia tej keeb cag neeg tau ntawm no. Uas xyoo no ces siv sob lus 'Heal Country' los sis yog kho lub teb chaws uas muaj lub ntsiab lus los qhia thiab txhawb nqa kom neeg Australia paub txog Australia tej keeb cag neeg tej chaw tseem ceeb, pov puag lawv tej qub puav pheej kab lis kev cai thiab pov puag lub teb chaws Australia no. 

Los yog koj muaj peev xwm mus nyeem tau ntau zaj xov xwm ntawm NITV txog lub limtiam NAIDOC Week tau. 

Los yog koj muaj peev xwm saib tau ntau cov documentary txog NAIDOC Week ntawm SBS On Demand tau. 

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub  (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcastsSpotify, thiab Apple podcasts los yog download SBS Radio App kom koj mloog tau SBS Hmong.

Coming up next

# TITLE RELEASED TIME MORE
Tej neeg Torres Strait Islander cov kev xyaum ua hauj lwm pab cawm tej neeg mob txoj sia 09/07/2021 10:20 ...
Vim li cas thiaj tsis pub taw tes rau lub hli xiab? 20/01/2022 12:20 ...
Australia tus coj hais tias kom sawv daws mloog tej nom tswv tswj kev noj qab haus huv hais 20/01/2022 14:00 ...
Settlement guide: Cov kev nyab xeeb thaum muaj hav zoov kub hnyiab hauv teb chaws Australia 02/01/2022 09:52 ...
Queensland rov qab yuam kom tej neeg siv ntaub npog qhov ncauj thiab hno tshuaj vaccine 19/12/2021 07:41 ...
Australia ob lub xeev muaj pej xeem coob tshaj plaws muaj neeg kis kab mob COVID-19 coob tuaj ntxiv 19/12/2021 13:00 ...
Cov kev sim kho kab mob cancer noob qes tshiab 17/12/2021 06:28 ...
Vim li cas thiaj tsis pub Hmoob tej poj niam xeeb me nyuam mus pla 17/12/2021 12:48 ...
Muaj neeg kis kab mob coob tuaj ntxiv ntawm NSW thiab VIC 16/12/2021 13:12 ...
Cov teeb meem phom sij rau lub caij ntuj so 12/12/2021 12:57 ...
View More